Rússar þekktir fyrir peningaþvætti.

Þessi flökkusaga um 'rússapeninga' á Íslandi heyrði ég fyrir nokkrum

árum og virðist sagan hafa farið víða. Engar sönnur hafa verið færðar

á þennan orðróm, en ekki hægt að útiloka að rússneskir mafíupeningar

hafi ratað hingað óbeint.

 

En ætli þessi Boris Berezovski, auðkýfingur í útlegð í London

þekki eitthvað til fjárglæframannanna sem bera sama eftirnafn: Oleg og Igor Berezowski?

(eða nánast, þar munar um tvöfalt-vaff).

Þeir ráku Prima, glæsilegan strandstað á Rimini, og eftir að ítalska lögreglan

hafði fengið sérstakan áhuga peningaþvætti félagins Benex, sem var eins konar

banki í bankanum, í Bank of New York, sem gerði rússum kleyft að millifæra

fjármuni frá Rússlandi og koma í skattaparadísir, fundu þeir út að Prime hefði

rúllað miklum fjármunum gegnum Benex. Hafa þeir kumpánar verið ákærðir og telur

lögreglan að Prima hafi verið notað til að koma fjármagni baka til Rússlands, sem

hafði verið flutt leynilega þaðan á 9. áratugnum. - Eftir hrun Sovétríkjanna hefur miklu

fjármagni verið rúllað út úr landinu gegnum Benex og telur það um 8 billjónir dollara.

 

Aðrir rússneskir mafíósar hafa líka verið iðnir við peningaþvætti og tókst að múta

bankamönnum og komust þannig með klærnar ofaní skúffuna í rússneska seðlabankann og

kræktu sér í 4.8 billjónir dollara, sem var lán frá Alþjóðagjaldeyrissjóðnum til Rússa.

Innanbúðarmenn í þessum seðlabanka dreifðu fénu á mörg aflandsfélög, og voru

nokkur þeirra staðsett á Jersey á Bretlandseyjum. Síðan var fénu komið aftur til

Rússlands, nánar tiltekið til nokkurra auðugra fjölskyldna í Moskvu.

Segir Rússa hafa keypt Ísland

Sammála! Enda núverandi stjórnvöld undir smásjánni

Oft var þörf en nú er nauðsyn! Það dugar ekki að fyrrverandi stjórnarsamstarf hafi liðast sundur og ný stjórn hafi litið dagsins ljós 1. febrúar 2009, vegna þrýstings frá almenningi sem hefur staðið mótmælavaktina vikum saman. Ef einhvern tíma þarf að mótmæla, þá er það ákkúrat núna!

Er núverandi stjórn einhvers megnug í því ástandi sem ríkir í samfélaginu? Almenningur er óþolinmóður viðskiptavinur. Hann vil fá svör í dag. En auðvitað verður fólk að gefa stjórnvöldum svigrúm til að vinna að nýrri lagasetningu og reglugerðum sem koma almenningi til góða. En almenningur vill heyra frá stjórnvöldum á formlegum fundum sem eru opnir almenningi. Fæstir fylgjast með nýjum lagasetningum á vefjum stjórnsýslunnar. Það þarf að upplýsa almenning með vikulegum fundum t.d.

Ef ekkert áþreifanlegra verður gert að hálfu stjórnvalda til að sýna almenningi fram á að 'hlutirnir séu að mjakast í átt til betra ástands' eigum við eftir að upplifa 'franska byltingu' hér á Fróni.

 

Mótmælt á Lækjartorgi

Einmitt, og í boði Landsbankans!

Skv. kvöldfréttum í sjónvarpi RÚV voru kaupin fjármögnuð af Landsbankanum á sínum tíma. Vonandi með veði í íbúðinni. Allir landsmenn og aðrir sem áttu hlut í bankanum eru búnir að tapa sínu. Banki sem vinnur svona við að lána fólki til að það geti borist á (það er ekki eins og það hafi verið að lána einhverjum rekstri til að skapa atvinnu fyrir almúgann, eða hvað?) er ekki verður þess að landsmenn eigi hlut í slíku fyrirtæki, né versli við það. Enda er það fyrirtæki gjaldþrota; gamli Landsbankinn.

Maður skammast sín. Maður leyfir sér að læðast eins og mús, inn í útibú sömu stofnunar, þó að það heiti núna "nýji" Landsbanki, til þess að biðja um 50 þúsund króna viðbótar yfirdrátt á hin 50 þúsundin.

En kannski þarf maður ekkert að skammast sín þó að maður hafi hvorki verið að fjárfesta í ofurbílum né ofuríbúðum á okurlánum eða myntkörfulánum síðustu misserin. Kannski kemur maður bara vel út úr kreppunni þrátt fyrir allt? A.m.k. þarf ég ekki að hafa áhyggjur hvort einhver eign mín seljist niðri á Mannhattan eða ekki, vegna þess að ég hef ekki verið að ofurselja mig með lánum frá gráðugum lánastofnunum (en þær eru enn að: sparisjóður einn er stanslaust að reyna að fá mig í viðskipti; þeir fatta bara ekki að að ég myndi aldrei byrja í viðskiptim við banka á yfirdrætti, sama hvað er í boði ...).

Bestu helgarkveðjur!

P.S. Í það eina skipti sem ég hef komið á Manhattan man ég sérstaklega eftir einni sýn: negrafjölskylda sem var mætt niður á miðja Manhattan með sófasettið sitt og sat sem fastast í því. Stórt og mikið fólk sem hafði hátt. Þorði ekki að taka mynd af þessu dæmi. Greinilega húsnæðislaus og mótmæltu ástandinu á sinn hátt. Þetta var árið 1991. Ætli margir séu heimilislausir í New York þessa dagana?

Selja íbúð á Manhattan

Heimilislegur skítkokkur eða ofur eldamennska keðjubakkafyrirtækis?

Ooo, hvað ég skil þessa fanga vel. "Þetta er svo gegnumsoðið" segja þeir, í mbl.is frétinni, og þeir eiga hreinlega að láta þennan ófögnuð fjúka beint í ruslafötuna, fangarnir þarna á Litla Hrauni. Og heimta "mat!" Ég sé fyrir mé niðursoðnar grænar baunir og annan hrylling sem er ekki einu sinni niðursoðinn, og ekki boðlegur mönnum, við að lesa þessa frétt.

 

Þó að þeir séu fangar/afbrotamenn, eru þetta upp til hópa menn í vinnu þarna á Hrauninu og þurfa sitt og eiga ekki að láta bjóða sér upp á neitt drasl-fæðis-kjaftæði.

 

Þegar ég var krakki dvaldi ég oft fyrir austan fjall hjá ættingjum á sumrin og

pabbi einnar leiksystur minnar var bryti á Hrauninu. Heyrði aldrei neinar

matarsögur þaðan, enda aldrei talað beint við krakka, en ég aldist þarna upp við

að það var talað um þetta fangelsi sem "Letigarðinn."

Ef fangar eru latir, er það auðvitað fangelsisyfirvöldum að kenna. Engum öðrum.

 

Fyrir þó nokkrum árum var ég að velta því fyrir mér hvernig það virkaði,

ef maður vildi t.d. færa föngum í fangelsinu við Skólavörðustíg

rjómatertu eða aðra heimabaka tertu, svona þeim til tilbreytingar.

Ég sá fyrir mér að ég hringdi á dyrabjölluni á grjótinu þarna við

Skólavörðustíginn, spyrði um kokkinn, og ef ég fengi samband,

tjáði honum erindið, fengi tertan inngöngu? (Þessar pælingar hafa ekkert

að gera með að smygla rakvélablöðum eða beittu sporjárni í tertu inn í

fangelsi).

 

Einhverju síðar, eftir þessar pælingar, komst ég að tilviljun í kynni við konu,

sem er reyndar fjarskyldur ættingi minn, og sem var þá nýkomin á eftirlaun og hafði unnið sem fangavörður þarna í grjótinu á Skólavörðustígnum, sem og í öðrum díflyssum þessa lands.

 

Þegar ég komst að starfsferli þessarar nýju kunningjakonu minnar,

gat ég ekki stillt mig um að segja henni frá þessum pælingum mínum

og ekki stóð á svarinu hjá kerlu. En svarið eyðilagði allt fyrir mér:

tjáði hún mér að enginn kokkur væri lengur þarna og allur matur kæmi

á matarbökkum. Fangar fengju stundum samlokur (sem millibita, minnir mig).

Það var af sem áður var, og þegar hún vann þarna á fyrri árum: "þá nægði að

kíkja ofaní pottana hjá kokkinum í eldhúsinu til að vita hvaða dagur var."

 

Veit ekki hvort maturinn er betri á Skólavörðustígnum í dag á

matarbökkunum miðað við það sem kom upp úr pottunum hjá

kokkinum hé fyrr á árum.

 

En það sem ég veit fyrir víst, að þegar þar var kokkur starfandi, þá fengu

fangar að vinna í eldhúsinu, vegna þess að ég man eftir frétt í

mogganum fyrir mörgum árum, sem hljóðaði á þá leið að fangi

sem vann í eldhúsinu hefði náð að strjúka þegar hann var sendur

út með ruslið. Honum tókst að klifra yfir steinvegginn sem umlykur

fangelsið við Skólavörðustíg. Ekki kom fram í fréttinni hvort það hafi verið óbeit á eldamennsku kokksins, leiði við uppvaksið eða þrá eftir frelsinu, sem fékk fangann til að flýja úr díflyssunni yfir steinvegginn.

Fangar ósáttir við matinn

Smá snjóföl á Írlandi - en skólastarfi aflýst!!

Mér blöskrar alltaf þega svona fréttir berast. Það snjóar smávegis á N-Írlandi eða einhvers staðar í Ameríku og allt verður STOPP.

Eru ekki seld nagladekk þarna á N-Írlandi eða hvað?

Eða kannski snjóar svona sjaldan þarna, að hjólbarðafyrirtæki sjá sér ekki hag í því að vera með snjó- eða vetrardekk á boðstólum. Bretlandseyjar heita ekki "græna eyjan" fyrir ekki neitt.

Enginn skóli sökum snjókomu

Skipti á ráðuneytisstjóra er bara annað orð yfir 'uppsögn' eða vera 'vikið úr starfi'

vegna stjórnarskiptanna, en það má ekki segja það. Það er alltaf verið að tala undir rós. Hvað þýðir það í rauninni að starfsmaður ráðuneytis, sem hefur sinnt starfi sínu árum saman, sé settur í 'sérverkefni'? - Vonandi snúast sérverkefnin um að finna lausnir á hvernig heimilin eigi að fara að því að komast af eftir að hafa verið sett á skuldaklafa vegna óreiðu þeirra sem skuldsettu íslensku bankana upp í rjáfur. Þ.m.t. kjölfestufjárfesta og fyrrverandi bankastjóra þerirra og starfsmenn sem kóuðu með þessu liði.

Skipt um ráðuneytisstjóra í forsætisráðuneyti

Út með framsóknarklærnar - Nóg að hafa Jóhönnu skattakræki í næstu ríkisstjórn!

Las eftirfarandi pistil  frá "spaði" á málefnunum fyrr í kvöld með fyrirsögninni:

Minnihlutastjórn sjálfstæðismanna í boði Ólafs Ólafssonar og Finns Ingólfssonar

 

"Heimildamaður minn úr herbúðum Framsóknar heldur því fram að í gærkvöld hafi stjórnarmyndunarferlið tekið nýja stefnu þegar áhrifamenn úr gömlu framsókn, aðallega Ólafur Ólafsson, Finnur Ingólfsson og einhver þriðji maður hafi talið Sigmund Gunnlaugsson á það að tefja stjórnarmyndun meðan rætt verði við Bjarna Benediktsson og Davíðsarm íhaldsins um að Framsókn, og hugsanlega frjálslyndir, veiti hlutleysi minnihlutastjórn Sjálfstæðisflokks undir forystu Bjarna. Látið verði springa á efnahagstillögum. Allt verður gert af hálfu Davíðs-armsins til þess að hindra að Þorgerður Katrín verði formaður, jafnvel Geir vitnaði til hennar á fundi sjálfstæðismanna í dag þar sem hann sakaði Samfylkinguna og "nokkra aðra" um að nærast á hatri í garð Davíðs.

Sigmundur hefur ekkert bakland í Framsókn og þessir auðmenn geta tryggt honum það. Framsókn fengi þá góðan frest til að byggja sig upp, því þá yrði kosningum ekkert flýtt.

Læt vita um leið og ég fæ frekari staðfestingu á þessum orðrómi."

 

Nokkrir af mörgum, svara þessu innleggi:

 

"Já einmitt það sem þjóðinn þarf, einhver sandkassaleikur í boði auðmanna. Ef að eitthvað er til í þessu myndi það rústa möguleikum Framsóknar á nokkru fylgi í næstu kosningum, nýja Framsókn myndi kafna í fæðingu. Og ég tala nú ekki um þau mótmæli sem myndu eiga sér stað.

Þetta fólk getur ekki verið svona veruleikafirrt að vilja leggja landið í rjúkandi rústir... - "Skaz"

 

"Ég treysti ekki þessum Sigmundi og ekki Framsóknarflokknum. Það á bara að láta á það reyna hvort þeir vilja verja stjórnina og láta þá bara fella ríkisstjórnina ef þeir vilja. Þýðir ekki að vera að hlaupa á eftir þessum bjánum." - "Orville"

 

En ég spyr: er ekki hægt að mynda þessa ríkisstjórn án þess að
klærnar á Framsókn komi við bakið á þessari stjórnarmyndunarviðræðum Samfó og V-grænna?
Ég fæ aulahroll þegar ég heyri þessi nöfn nefnd: Ólafur Ólafsson og Finnur Ingólfsson.
Djísús kræst.

 

 

Mun þjóðin samþykkja nýja ríkisstjórn sem yrði í haldreipi eða réttara sagt í snöru slíkra Framsóknarmanna?

Hvað eigum við eiginlega að gera????????????? Nú er landið stjórnlaust og vitræn stjórnvöld óskast.

 

Hvað gerist á Austurvelli á morgun?

Ég ætla a.m.k. að mæta fyrir þrjú og hlusta á kórinn syngja fyrir mótmælafundinn.

Tónlist er alltaf góð fyrir hugann - og vonandi stjórnmálin líka. Og svo mun

Lögreglukórinn syngja eftir mótmælafundinn. Ég ætla líka að hlsuta á hann.

 

En látum siðspillta Framsóknarmenn sigla sinn sjó!

Þríeykið þingar

Kaupum hlut í mogganum!

Mogginn er góður og mbl.is er enn betra. Hvað gerum við bloggarar og aðrir lesendur ef mogginn væri ekki til staðar fyrir okkur?

Áhugahópur einstaklinga ætlar að stofna fjárfestingarfélag utan um Árvakur sem gefur út moggann. Ég hef áhuga á að fjárfesta í þessu félagi, en er ekki aflögufær með 100 þúsund kall eftir bankahrunið.

Af hverju ekki að bjóða bloggurum og velunnurum moggans að kaupa hluti í mogganum allt frá 10 þúsund króna hlutum? Þá geta ótal margir verið með sem styðja málefnið en eiga ekki 100 þúsund kall á lausu.

Hvet áhugamennina að gera almenningi fært um að eignast hlut og um leið styrkja moggann með því að bjóða upp á lægri upphæðir til kaupa á hlutafé í félaginu.

 

Vilja stofna hlutafélag um Árvakur

Skúra almennilega út við fyrsta tækifæri!

Er ekki bara kominn tími til að hvítskúra stjórnarráðið í eiginlegri merkingu?

Hefði átt að moka valdablokkum út úr húsinu fyrir langa löngu.

Og Alþingishúsinu líka. En reyndar hefur það verið skúrað í hverri viku

síðan í haust vegna eggja- og tómatskasts. En það er bara yfirborðsklór.

Nú er gott tækifæri til að skúra, skrúbba og moka út og endurnýja innviðina.

Gömlu flokkarnir eru orðnir of spilltir til að vera trúverðugir til að verma sætin í Stjórnarráðinu og Alþingishúsinu.

Framsókn er lang-lang spilltust þó að hún eigi ekki inni í Stjórnarráðinu lengur.

En stundum þarf að skúra gólf til að má út löngu gengin spor.

 

Þannig að mótmælin fyrir utan Stjórnarráðið í gær fengu eins konar framlengingu

á athæfinu í táknrænum skilningi.

 

 

Hvítskúrað stjórnarráð

Ekkert betra að gera í kreppunni en að búa til börn!

Bandarísku klámkóngarnir hafa greinilega skemmtilegan húmor og notfæra sér hann í miðri kreppunni:

"Larry Flynt, sem gefur út klámtímaritið Hustler, og Joe Francis, sem er maðurinn á bak við Girls Gone Wild myndböndin, segja að Bandaríkjamenn séu að missa kynhvötina. Þeir hafi of miklar áhyggjur af efnahagsástandinu og því að geta greitt reikningana um hver mánaðarmót."

En það er eitt annað í þessu, sem snilldarklámkóngarnir hafa ekki tekið með í
reikninginn (og þá eru þeir líklega bara að 'ljúga') er að þegar kreppir að, hefur fólk
ekkert annað betra að gera en að búa til börn. - Og það gerir það.

Kreppan kemur á engan hátt í veg fyrir kynlífslöngun, þó
að klámkóngarnir staðhæfa annað, líklega bara í gamni og eru vitanlega að auglýsa sinn bransa í leiðinni, enda er þetta besta auglýsingaplott sem ég hef séð lengi.

Kreppan hefur kannski gert mann agndofa og hálf
máttlausan, vegna óvissu um það sem verða skal, en alls ekki á kynferðislegan hátt. 

Nú verður gaman að sjá, og reikna út, hversu mörg börn munu fæðast í byrjun júní 2009 (þau komu þá undir í byrjun október 2008) Og hversu mörg börn munu fæðast í júlí 2009, þ.e. þau sem komu undir í nóvember 2009 o.s.frv.

Mannlegt eðli er einmitt þannig að þegar eitt starf fellur niður með viðkomandi ábyrgð, t.d. þegar  einstaklingur verður atvinnulaus, fær sá hinn sami meira svigrúm til að sinna öðrum störfum.

Ríkisstyrkt klám?