Ferðalög koma ekki í veg fyrir svínaflensu á Íslandi

Það er þörf viðvörun í frétinni á mbl.is að vera ekki að ferðast til Mexíko að óþörfu.

 

En flensur berast reyndar milli landa og heimsálfa, alveg burt séð frá ferðalögum fólks.

Málið er að sýkingar berast með veðri, vindum og fuglum. Þess vegna er þessi flensa að blossa upp nú um allan heim af því að farfuglarnir eru að flykkjast til norðlægari landa. Það er engin tilviljun aö Spænska veikin hafi borist til Evrópu að vori til, eins og svínaflensan nú. Hvet alla til að lesa um þessa flensu á infliensa.is en þar hefði reyndar mátt lýsa nákvæmar frá flensueinkennum.

 

Þetta er víst veira, en ég stend staðföst við þá kenningu mína, eins og kemur fram í blogginu hér fyrir neðan, að það að nota hvítlauk kerfisbundið í matargerð, getur virkað sem góð vörn gegn hvers konar kvillum. Og af hverju þá ekki svínaflensu?

Vara við ferðum til Mexíkó

Hugaðu að náttúrulegri vörn gegn flensu! Ekki borga formúgu í skyndilausnir píramýdafyrirtækja. Náttúrulegar afurðir er besta vörnin!

Flensa er í gangi sem getur orðið að heimsfaraldri! Við fáum öll flensu með reglulegu millibili en til eru ráð til að fækka flensutilfellum hjá okkur:

 

Mín reynsla gegn hvers konar flensu og kvillum er: hvítlaukur!

Ásamt fleiru, þó það feli ekki í sér nein lyfjakaup í apóteki.

 

Hef notað marinn hvítlauk út í hrásalatið kerfisbundið frá síðustu jólum.

Enda er hvítlaukur hræbillegur í Bónus og hefur þá eiginleika að vera

sýkladrepandi.

 

Hef sloppið við kvef og aðra kvilla síðan þá. Fékk líklega einhvers konar flensu

í febrúar s.l., en hún var svo væg, og lýsir sér sem smá orkuleysi, án kvefs, og

vart á orð gerandi. En á sama tíma fékk kunningjakona mín slæma flensu og

var frá vinnu í marga daga. Ég ég fékk líklega flensu í byrjun október í fyrra, og lá nokkuð orkulaus í rúminu

hluta af nokkrum dögum, en þá var ég ekki í hvítlauknum!

 

Fyrir utan hvítlauk er eplasafaedik og hunang líka sýkladrepandi.

Heyrði líka á einhverjum fjölmiðlinum að blöð af ætishvönn hefðu heilunareiginleika.

Gott að vita það, enda er gróður vaxandi núna í upphafi sumars.

En alls konar ávextir og grænmeti getur varið okkur gegn kvillum: ber, paprika og

grænt salat luma á ýmsum góðum vörnum gagnvart kvillum.

 

En hvítlaukinn má nota í hvers kyns matargerð fyrir utan hrásalatið, t.d. í pottrétti.

Og ef ekki vill betur, má einfaldlega skera hann í bita og gleypa hann hráan með

vatni eða te, og þannig getur hann orðið góð vörn fyrir hvers konar bakteríum og

sýklum. Þannig að ekki þarf að hamstra dýr lyf í apótekinu að sinni!

 

 

Viðbúnaðarstig 5 vegna flensu

Já, ég fattaði þetta loksins: Davíð sá nefnilega gegnum útrásarvíkingana (sérstaklega Jón Ásgeir ..)

Ég er ekki og hef ekki verið neinn sérstakur aðdáandi Davíðs í gegnum tíðina, þó að ég hafi einhvern tíma kosið Sjálfstæðisflokkinn. Og hef reyndar ekki kosið neitt yfir mig s.l. áratug, vegna óánæglu með fyrirkomulag á kjörstöðum, en það hefur ekkert með þessi skrif að gera.

Það verður áhugavert að lesa nýtt smásagnasafn eftir Davíð (ætli hann sé kominn með útgefanda?) og það hefur góð áhrif á alla að láta reyna sína 'grænu putta' eins og Davíð ætlar að gera.

En það er nokkuð síðan ég áttaði mig á því að Davíð var búinn að sjá í gegnum fjármagns-skelfanna, þ.e. íslensku hryðjuverkamennina í íslenskum fjármálum, sem hafa verið sínkt og heilagt uppdubbaðir sem einhvers konar víkingar, sem hefur ákveðna jákvæða tengingu: svona töff, klárir karlar sem láta greipar sópa eftir að hafa lent snekkjum sínum við strendur Bretlands og landanna í kring, og hreiðrað um sig og skilað af sér miður jákvæðri menningu.

Í gamla daga þegar Engilsaxar voru á ferð við strendur Bretlands, sigldu þeir í land, og tóku land, í bókstaflegri merkingu, ásamt því að taka sér konur til fylgilags ásamt öllu sem því fylgdi. Þess vegna eru svo mörg skandinavísk staðarnöfn í Bretlandi. Hver kannast ekki við borgina Grimsby? Hljómar frekar eins og borg í Danmörku.

En það eru ótalmörg staðarnöfn í Bretlandi sem eiga rætur sínar að rekja beint í íslenskuna, þannig að íslenskir alvöru víkingar til forna gáfu nágrönnum sínum greinilega ekkert eftir í landvinningum:

Hefur nokkur komið til "Hestwall" (af hestur)?

En í "Lax firth" (Laxafjörð)? Ætli einhver í Bretlandi myndi nefna fyrirtæki sitt, sem yrði staðsett við þennan fjörð, "Bakkalax" í nánustu framtíð?

Verður örnefnið "Stor Hevda" (hevda= höfði) einhvern tíma breytt í "Olafs Hevda?"

Á póstnúmerinu ND4294 er haugur einn er kallast "Howe Tang" (howe = haugur). Eiga túristar eftir að heimsækja hauga á borð við "Howe Jon"  "Howe Agust" eða "Howe Olaf" etc.?

Og í borgum og bæjum eru hús. Einvers staðar verður fólk að búa. Sum hús geyma söfn. Á póstnúmerinu HU16554 (veit ekki hvers konar hús það er) er "The Hus" - Kannski verður hægt að skoða "Jon's Hus" þarna í nánustu framtíð.

Svo er "Papa Stour" (stour = stór) á póstnúmerinu HU1660. Veit ekki hvers lags fyrirbæri það er. Kannski stór klettur. Kannski verður einhver útfararvíkingurinn nógu hufflegur og reisir föður sínum minnismerki á þessu póstnúmeri í nánustu framtíð: "Papa staersti."

Verður staðnum "Lerwick" í HU4841 (ler= leir=) breytt í LerLydur til minningar um innrás íslensku hryðjuvíkinganna?

Og Bretar gætu jafnvel upplifað að staðnum "Brettabister"  (bretta= brattr= brattur) yrði breytt í "Brettabjolfur" í höfuðið á Björgólfunum sem áttu virkilega á brattann að sækja eftir að faðirinn hafði lent í bankagjaldþroti hér á landi á 9. áratug síðustu aldar og svo enn og aftur nú á nýrri öld.

Fjármálahverfið í London sem er í hjarta borgarinnar er alltaf kallað "City" en í dag kalla margir það "Pity" (sérstaklega þeir sem hefur verið sagt upp í fjármálafyrirtækjum og bönkum).

En sagan veður að segja til um það hvaða nýju staðarnöfn ná fótfestu á eyjunni grænu.

 

Davíð segist ætla að skrifa smásögur og planta trjám

Hvað er það sem hoppar og skoppar yfir heljarbrú, með mannabein í maganum?

Það er 'markaðurinn.' Og þar sem markaðurinn er eins og lifandi vera, er honum eðlislægt að koma sér í jafnvægi. Honum er nákvæmlega sama hvort þú ert að tapa eða græða. Og það er alveg sama hvað Obama, aðrar ríkisstjórnir, og einhverjir peningakallar eru að reyna að gera. Markaðurinn er hress og í uppsveiflu einn daginn, en er með flensu og í niðursveiflu hinn daginn. Það eru bara nokkrir gaurar sem kunna að notfæra sér glufur í markaðnum, milli sveiflna og þegar hann fær 'flensu' og svoleiðis. Markaðurinn þekkir þig ekki persónulega, en sumir klárir kallar hafa sett sig inn í 'geðsveiflur' markaðarins, sbr. eftirfarandi sögu sem ég las um daginn:

 

Snemma á 10. áratugnum voru Bretar í svipuðum aðstæðum og við Íslendingar, þ.e. með breska pundið. Það þótti geggjað að Bretar hækkuðu stýrivexti árið 1992. Það hafði neikvæð áhrif á efnahagskerfi þeirra, og pundið var hátt í samanburði við aðra gjaldmiðla, og hafði neikvæð áhrif á útflutningsfyrirtækin. Hljómar þetta nokkuð framandi fyrir íslenskan lesanda þessa bloggs? Breskt viðskiptalíf þurfti þess vegna að þola tvöfaldan sársauka: háir vextir og minni innkoma hjá útflutningsfyrirtækjum. Enski Seðlabankinn hækkaði nefnilega stýrivexti eftir að þýski Seðlabankinn hækkaði sína stýrivexti vegna þenslu eftir fall Berlínarmúrsins 1989. Hljómar þetta nokkuð ókunnuglega í þínum eyrum?

 

Fjármálasérfræðingar líktu þessari hækkun stýrivaxta við að breski Seðlabankinn hefði horft á vandamálin gegnum baksýnisspegil á bifreið. En George nokkur Soros hafði eigin framtíðarsýn og kjark. Hann gerði sér grein fyrir að pundið var metið of hátt og að breski Seðlabankinn hefði ekki efni á að styðja við það til lengdar. Þegar pundið félli, yrði það útflutningsaðilum í hag, og breski Seðlabankinn hefði minni hag af því að hækka stýrivexti handvirkt. Þessi George hjálpaði til við að koma þessu í kring, ásamt öðrum fjárfestum sem höfðu áhuga að vera með í dæminu.

 

Soros hafði í huga að fara gegn breska pundinu. Margir evrópskir bankar höfðu keypt pund í sameiningu, að jafnvirði 10 billjónum dollara, af breska Seðlabankanum. Soros hafði samband við þessi 'bankasamsteypu' og sagðist hafa áhuga á þessum pundum. Þ.e. fá lán hjá samsteypunni til að kapa þessi pund hjá þeim á þessu háa gengi. Og endurselja þau þegar pundið félli (sem og það gerði). Hann gæti endurgreitt lánið með ódýrari pundum, og mismunurinn færi í hans vasa. Bankamennirnir áttuðu sig á því hvert markmið Soros var, vegna þess að þeir myndu einnig græða á þessu, þannig að þeir samþykktu skortsölutilboð Soros.

 

Reyndar var pundið dæmt til að hryja í verði á þessum tíma. Birgðir breska Seðlabankans í gjaldeyri, svo sem dollurum (sem var eini gjaldmiðillinn til að bakka upp pundið á þessum tíma) var í frjálsu falli. Þannig á endanum varð breski Seðlabankinn að gefa eftir; hann hætti að hækka stýrivexti og leyfði pundinu að falla. Og með tímanum lagaðist efnahagsástandið, sem er eðlilegt þegar hlutirnir fá að gerast á sem eðlilgastan hátt. Breska stjórnin hefði getað sparað sér mikla fjármuni ef hún hefði einfaldlega skrifað upp á tékka handa Soros, en hann hafði eina billjón dollara upp úr krafsinu, einungis á einum degi, þ.e. 16. september 1992.

 

Fjármálasérfræðingar segja að Bretunum hafi verið nær; að reyna að berjast gagnvart markaðslögmálunum hafi orðið þeim að falli. Í stað þess að láta pundið fljóta og láta það síðan ná jafnvægi í tímans rás. - Sama segja reyndir aðilar sem hafa mátt þola tímana tvenna í lífinu og hafa upplifað kreppuna 1928 og aðrar niðursveiflur: þeir segja að það sé bara gálgafrestur þegar stjórnvöld (eins og Obama er að gera núna) dæla fé inn á fjármálamarkaðina: það læknar ekki neitt, það framlengir aðeins sjúkdóminn. Það er ekki fyrr en 'kerfinu' er leyft að hrynja að bati geti fyrst farið að eiga sér stað. Ekki fyrr.

 

Vonandi getum við Íslendingar lært eitthvað af þessari gjaldeyrissögu. En heimildina af þeirri frásögn má finna í bók Leon Levy The Mind of Wall Street; A Legendary financier on the Perils of Greed and the Mysteries of the Market (2002).

 

 

Svört spá frá IMF

Bakkabræður braska - Hluthafar Exista spyrja að leikslokum.

Í frétt á vísir.is segir í kvöld: Stjórn Kaupþings mun á næstu dögum ákveða hvort að yfirtökutilboði Bakkabræðra á Exista verði tekið. Tilboðið gerir ráð fyrir að hluthafar fái 0,02 krónur fyrir hvern hlut. Rán segir hluthafi.

Mér skilst að það sé verið að mismuna hluthöfum í þessari yfirtöku 'Bakkabræðra' á þessari yfirtöku þeirra á félaginu. Mjög slæmt mál ef satt er. Það eru nefnilega alltaf að koma verri og verri pöddur undan grjótinu, þegar því er lyft upp.

A rose is a rose is a rose ...

Í fréttinni á mbl.is segir m.a.: VG bætir við sig en fylgi Samfylkingar og Sjálfstæðisflokks minnkar samkvæmt nýrri fylgiskönnun Capacent Gallup um fylgið á landsvísu.

 

Um kvöldmatarleytið í kvöld, 16.4., var ég stödd úti á svölum en þar sé ég út á bílaplan hjá mér og líka yfir á planið í næstu blokk. Ég sé par, mann og konu, ganga að inngangi að næstu blokk. Maðurinn heldur á rauðum rósavendi og konan er með pakka í hendinni. ‘Það er örugglega afmæli hjá einhverjum nágrannanum’ hugsa ég með mér. Eftir kortér er hringt á dyrasímanum hjá mér. Karlmaður tilkynnir að hann sé með rauða rós handa mér í boði Samfylkingarinnar. Ég afþakka boðið þarna í dyrasímanum; nenni ekki að hleypa einhverjum gaur inn og langar ekki í rós frá Samfylkingunni, enda er ég ekki búin að ákveða hvað ég ætla að kjósa. En þá dettur mér í hug að hjúin sem höfðu gengið upp að nágrannablokkinni eru reyndar engir afmælisgestir, heldur boðberar Samfylkingarinnar. ”Þetta hlýtur að vera dýrt fyrir Samfylkinguna” hugsa ég með mér. Að útdeila rósum og kosningabæklingi (sem er þá ekki afmælispakki eftir allt) hlýtur að kosta sitt.

 

Mér dettur þess vegna í hug að Samfylkingunni sé mikið í mun að ná góðum árangri í þessum kosningum, enda er sá flokkur líklega í harðri samkeppni við Sjálfstæðisflokkinn, sem enginn veit hvernig mun vegna þetta árið, vegna styrkjamálsins fræga, sem sumir hafa kallað ‘mútumálið.’ Þannig að þessar kosningar verða að mörgu leyti spennandi, vegna þess að fjór-flokkarnir eru ekkert svo öruggir um sína stöðu. Skoðanakannanir eru kannski bara eins og fugli í skógi, en hvorki fugl né fiskur í hendi. Ég man að eitt árið var lítill kaffipakki í póstkassanum hjá mér einn morguninn, í boði einhvers flokks fyrir kosningar. Ég hellti ekki upp á pakkann, en man alltaf eftir honum, ekki vegna þess sem sendi hann, heldur vegna sölumennskunnar, sem var kannski ekki svo galin.

 

Ég er ekki búin að ákveða hvað ég ætla að kjósa í næstu viku, en ágætis listi birtist í Morgunblaðinu 11. apríl s.l. á heilli opnu um samantekin stefnumál flokkanna (fyrir utan Lýðræðishreyfinguna, sem fær líklega að bjóða fram), en þegar ég fór að velta væntanlegum framboðum fyrir mér nú í kvöld, þá dauðsé ég eftir því að hafa hafnað rósinni frá Samfylkingunni, vegna þess að þá hefði ég fengið framboðslistann líka og getað áttað mig betur á einstaka frambjóðendum. *Urr*og minni mig á að vera ekki svona hrokafull við næsta 'rósamann' sem kynni að dúkka upp.

 

Það eina sem ég man í fljótu bragði, er að Jóhanna Sigurðardóttir forsætisráðherra er á listanum sem og Ásta Ragnheiður Jóhannesdóttir. En ég hef mikið álit á hinni síðarnefndu að þeirri fyrrnefndu ólastaðri. Ásta Ragnheiður, núverandi félags- og tryggingamálaráðherra, hefur verið mjög dugleg við að setja sig inn í mál aldraðra og öryrkja í gegnum tíðina, svo eitthvað sé nefnt. Hún kom oft fram í fjölmiðlum sem óbreyttur þingmaður með sína sérþekkingu á málefnum tengdum Tryggingastofnun. Og hefur hún ekki valdið mér vonbrigðum eftir að hún settist á ráðherrastól. Hef sjálf ekki átt neinna hagsmuna að gæta í þessum málaflokkum hingað til, en hef tekið eftir að hún var mjög virk að mæta í útvarpsþætti á sínum tíma, við að svara spurningum almúgans, varðandi málefni aldraðra og öryrkja. Ásta Ragnheiður er verðugur fulltrúi Samfylkingarinnar og er frambjóðandi sem verður að komast inn á þing aftur, að mínu mati.

 

En það veður bara a koma í ljós hvað kemur upp úr kjörkössunum í næstu nviku, en ég er ekki ennþá búin að ákveða hvað ég ætla að kjósa. En ef ég mætti kannski öðrum rósamanni á næstunni, tæki ég það kannski sem tákn um í hvaða dálk ég settiX-ið á kjörseðlinum? En tíminn verður að leiða það í ljós, því margt getur gerst á nokkrum dögum. Maður gæti líka allt eins átt von á að hitta kaffibrúsakall eða pizzu-maddonnu á næstu dögum. Hver veit?

VG í sókn - Samfylking stærst

Bravó fyrir hústökufólkinu! Framlenging á búsáhaldabyltingunni.

Um helgina var í fréttum að hústökufólk hefði komið sér fyrir í húsi niðri í miðbæ. Ég velti fyrir mér hvaða hús þetta væri, af hverju það væri yfirgefið og hver ætti það. Velti svo fyrir mér að ef eigandinn væri í vandræðum með að selja það, að þá væri kannski bara betra að hafa einhvern í húsinu sem væri að hlúa að því í leiðinni.

 

Ég er svo heimsk og vitlaus að ég veit ekki hver á yfirgefin hús á 101 Reykjavík, og hef verið að pirra mig því undanfarin misseri hversu ömurlegt það er að horfa á yfirgefin hús við Hverfistötuna, sem virðast nánast að hruni komin, þegar maður ekur þarna niður eftir með strætó. Hvað þá að horfa uppá yfirgefin hús við Laugaveginn.

 

En svo kemur það í ljós í fréttum sjónvarps í kvöld í viðtali við einn hústökumanninn, að Björgólfur Guðmundsson er eigandi að húsinu sem hústökufólkið hefur sest að í. Já, ákkúrat. Það er nefnilega það. En auðvitað er eigandi þessa húss enginn h.f.f. Björgólfur Guðmundsson. Ég trúi því varla. Eigandi hússins er í minnsta lagi eignarhaldsfélag sem hústökumaður hefur einhvern veginn fiskað upp að téður Björgólfur Guðmundssn hafi stofnað einhvern tíma á síðustu misserum. Svo framarlega sem hægt er að fá upplýsingar um slíkt, eða að hústökufólkið ímyndi sér bara hver eigandinn er.

 

Þá vitum við það. Eða hvað? En ég fagna því, að þarna má horfa uppá það sem ég kalla framlengingu á búsáhaldabyltingunni. Oft var þörf, en nú er nauðsyn.

 

Mjög mikilvægt er að benda á sukk og þann sora sem hefur viðgengist í samfélaginu á s.l. árum og eru yfirgefin og sóðaleg hús á hundrað og einum þar engin undantekning.

Götuvirki hústökufólksins

Húrra fyrir því! En maður vorkennir Obama greyjinu.

Í frétt mbl. segir: New Frontier Bank, einn stærsti bankinn í Colorado í Bandaríkjunum, lýsti yfir gjaldþroti í gærkvöldi. Er þetta 23. bankinn, sem hlýtur þau örlög í Bandaríkjunum frá því í janúar.

 

Það besta fyrir efnahagskefið í Bandaríkjunum er að láta þetta dót gossa. Maður vorkennir Obama greyjinu, en hann hefur verið að bjarga alls konar fyrirtækjum frá gjaldþroti með því að dæla fjármagni inn í þetta. Hann hefur valið sér ráðherra sem hafa leikið sama leikinn áður. Hann veit ekki betur. Því miður. Þegar stjórnvöld eru að halda uppi fyrirtækjum, á við bíla, banka og tryggingarfélög, er aðeins verið að kaupa sér gálgafrest. Jim Rogers sem er virtur fjárfestir vestanhafs, var spurður í viðtali 26. febrúar s.l. m.a. "Hvað um Citigroup og hvað með bílafyrirtækin?"

 

Svarið: "Það á að láta þessa aðila verða gjaldþrota. Af hverju eiga amerískir skattgreiðendur að gjalda þess að billjónum sé dælt inn í fyrirtæki til að bjarga nokkrum bílaframleiðendum? Þau gerðu mistökin! Það voru ekki skattgreiðendur sem gerðu mistök! Ég er viss um að ríkisstjórnin láti þá hafa peninga, en það eru mistök. Hryllileg mistök!"

 

Og það mun líklega koma síðar í ljós að Obama hefur gert ýmisleg mistök í vali sínu á ráðherrum. En við verðum alltaf að spyrja að leikslokum. Og ég er að skoða þetta.

 

 

Bandarískur banki gjaldþrota

Bíp, bíp, Obama ætlar í bílaleik!

Mottóið er vonandi pappírspésar út og "stöngin inn" fyrir áþreifanlegum iðnaði sem gefur eitthvað af sér.

Jæja, þar kom að því að eitthvað með viti yrði gert í efnahagsmálum í USA. En í fréttinni segir m.a. að Barack Obama, forseti Bandaríkjanna, segir að fyrir 1. júní ætli bandarísk stjórnvöld að kaupa 17.600 vistvæna bíla af bandarískum bílaframleiðendum.

Málið er að Bandarísk stjórnvöld hafa undanfarið verið að bjarga bönkum, tryggingarfélögum og öðrum pappírsfyrirtækjum, sem eru tæknilega gjaldþrota. Enginn framleiðandi með viti fer út í að framleiða í kreppu ef enginn er til að kaupa vöruna. Ef Obama er alvara með væntanleg bílakaup, mun það örva framleiðslu og kemur vonandi í veg fyrir að fleiri missa vinnuna.

Hér á Íslandi er búið að vera að bjarga ýmsum pappírsfyrirtækum, svo sem bönkum öðru sem eru að selja einhvers konar vöru, en ekki framleiða neitt. En nú er komið að stjórnvöldum hér að huga að hvernig þau geti örvað iðnað eins og Obama ætlar að gera.

Og ef einhver heldur að krónan sé ónýt, þá er það bara gömul saga og ný. Það hefur var aldeilis frið fram gegnt pundinu snemma á 9. áratugnum (mun blogga um það fljótlega), og dollarinn er í slæmri stöðu í dag og riðar við falli. Nánar um það frá mér líka fljótlega.

 

Obama kaupir 17.600 bíla

"Sönvaseiður" á Alþingi - meira af þessu!

Árni Johnsen tók lagið um daginn (flott hjá karlinum) í ræðupúltinu á Alþingi. Í dag, 6. apríl, var minnt á að Mörður Árna hefði tekið lagið í "Hani, krummi..." á sínum tíma. Jú, það ku hafa verið 16.11. 2004. Þó að enginn hafi tekið lagið í dag í þinginu, var samt skemmtilegt að fylgjast með ræðum þingmanna og þruski þeirra, pískri og sussi, og sérstaklega ræðu Árna Johnsen. Hann líkti stjórnarliðum við "sofandi fiðurfé á prikum" og öðru sem ég bloggaði fyrr í dag. En mótsögn þingmannsins fólst í því að hann talaði um að þingkonur "tístu" í bakherbergjum, ef ég skildi hann rétt. En tístu samt ekki eins og lóan!

Ef Alþingi kemur mér til að hlæja þá er það í lagi. Hláturinn færir manni auka orku. Einnig söngur. Hvet alla til að fara á Söngvaseið sem er verið að sýna í leikhúsinu, eða fá sér diskinn! Eða bara hlusta á Árna Johnsen og aðra á þingi, á ögurstundum. Ég bloggaði aðeins um ræðu Árna Joh. fyrr í dag, hér neðar í blogginu fyrir þá sem vilja kynna sér atriði úr ræðu Árna.

Mörður játar söng á þingi