Frábær leikur gegn þungum Rússum - en eitt vantar upp á ... þjóðsöngurinn!

... Strákarnir okkar brilleruðu í leiknum gegn þungum Rússunum í dag.

Kannski eru Rússarnir í gamla Sovét tímanum: þungir upp að 120 kílóum og með þjálfara sem var sem lýst við "risaeðlu" af okkar manni sem lýsti leiknum í dag.

En okkar menn geta gert enn betur, og sem gæti hjálpað þeim til að losa um spennu fyrir leik: það er að kunna og geta sungið þjóðsönginn skammlaust. Sumir kunna fyrsta erindið, en það hefur verið svolítið pínlegt að horfa upp á t.d. einn landsliðsmanninn með munninn samanheftan, eins og honum væri borgað fyrir það.

Nú er bara kominn tími fyrir "Landsliðskórinn í handbolta" og ég þykist fullviss um að allir þessir strákar eigi sér rödd í kór. Þeir þurfa bara að fá góða þjálfun í þessu frá viðeigandi aðila og það getur verið einn liður í að efla liðsheildina hjá þeim. Ekkert væri skemmtilegra en að horfa á upphaf leiks íslenska landsliðsins þar sem þeir syngju þjóðsönginn allir sem einn, og það yrði mjög uppörvandi fyrir þá sjálfa.

Átta marka sigur á Rússum

Fáfróður Sjálfstæðismaður situr á þingi (eða er það sjálftökumaður?).

Ég held að það sé löngu kominn tími til að þeir aðilar sem eru kjörnir til þings, að þeim sé gerð grein fyrir að þeir verði að vera vammlausir. Að öðrum kosti að þeir sem bjóða sig fram til þings verði að vera sér vel meðvitaðir um landslög bara svona almennt. En það er auðvitað ekki hægt. Lög skipta hundruðum og enginn einstaklingur getur haft yfirsýn yfir þau.

Auðveldasta lausnin er að ef þingmaður brýtur landslög, er einfaldlega að segja af sér þingmennsku. Eða hvað?

Greiddi ólöglegan arð fyrir mistök

Forsetinn fljótur í förum, eða þannig - Enda greinilega vel nettengdur.

Ólafi Ragnari er ekki fisjað saman og hann hefur greinilega ennþá munninn fyrir neðan nefið. Hann hefur s.l. 2 daga túlkað og útskýrt stöðu mála, sem hefur gert það að verkum að áheyrendur hafi fengið einhvern skilning á stöðu Íslands Ice-Save málinu og hefur þetta róað almúgann aðeins niður, sem og stjórnarkólfa á Bretlani og Hollandi.

Svo hitti skrattinn ömmu sína (ÓRG) þarna á BBC í gær. Forsetinn brilleraði í þettu viðtali. Svo las maðuir hér á mbl.is í dag að forsetinn hefði haldið blaðamanafund á Bessastöðum 7.1. fimmtudag. En skv. eldri fréttum var forseti vor á leiðinni til Indlands þann 6.1. til að taka á móti einhverjum verðlaunum.

Fyrst skildi ég ekkert hvernig forsetinn gat verið svona fljótur í förum: fara til Indlands 6. janúar og verið í viðtali á BBC sama dag og halda svo blaðamannafund á Bessastöðum daginn eftir.

En málin skýrðust vitanlega í gærkvöldi: viðtalið við hann á BBC var framkvæmt með fjarfundabúnaði. Þjóðin fékk að horfa á þetta viðtal í Kastljósinu. Og þá dreg ég þá ályktun að forseti vor hafi hreinlega frestað Indlandsförinni, þar sem hann hélt blaðamannafund á Bessastöðum í gær. En kannski tók Ólafur Ragnar bara á móti verðlaunum á Indlandinu með fjarfundabúnaði. Veit einhver lesandi þessa bloggs um það?

 

Staða forseta og stjórnar óbreytt

Hver notar gulldepluna?

Fróðlegt væri að vita hvernig gulldeplan er notuð; hver kaupir hana og til hvers. Það vantar í fréttina fyrir okkur hin fáfróðu. Það kemur fram hjá fyrsta bloggara fréttarinnar gagnrýni á veiði þessarar tegundar vegna þess að þessi fiskur hefur ekki verið rannsakaður nægilega.

Ég veit lítið um fiska, nema aðallega þá sem ég elda sjálf. Í gærkvöldi borðaði ég keilu sem keypt var í Sækónginum á Sogaveginum. Fiskurinn var verkaður í hvítlaukslegi og var hin fínasta fisksteik, enda var flakið þykkur vöðvi. 

Fyrir nokkrum árum keypti ég Hlýra hjá Steina á Sundlaugaveginum og steikti hann á pönnu. Þessi fiskur hefur svo flott skinn að hann selur sig sjálfan út á útlitið. Karfinn stendur alltaf fyrir sínu, hann er sælgæti, þegar hann er steiktur á pönnu. Og ég á reyndar eftir að gera meiri tilraunir með makrílinn, sem er verið að veiða hér.

Ég borðaði stundum loðnu hér fyrr á árum þegar loðnuveiðar voru í algleymingi. Loðnan er smáfiskur og var yfirleitt full af hrognum. Það mátti alveg borða þetta. En gulldeplan er mun minni fiskur en loðnan. Það er örugglega hægt að gera eitthvað með þennan smáfisk gulldepluna. Kannski getyr hún orðið gott "snakk" þegar á líður.

Hér áður fyrr var Steinbít og Skötusel hent fyrir borð á fiskiskipum. Í dag eru þessir fiskar verðmætir; a.m.k. þykja þeir herramansmatur.

Miðin við Ísland eru matarkista. Alger óþarfi að henda fiski og um að gera að veiða það sem býðst og gefur af sér tekjur.

En lesendur fréttar um gulldeplu, vilja örugglega vita meira um þennan fisk: hver kaupir hann, og hvernig er hægt að nota hann.

Fyrsti gulldepluafli vetrarins

Það voru líka húllumhæ i Þýskalandi 1989

Ég skrapp með samstarfskonu til Þýskalands á þessum árstíma, árið 1989. Á þessum árum var m.a. í tízku að skrppa Trier í Þýskalandi til að versla.. Við flugum til Luxemborgar og tókum lest til Trier og vorum komnar á áfangastað eftir hádegi. Við þekktum okkur á staðnum, tékkuðum okkur inn á sama hótelið á árið árður og vissum vel hvaða vinsæla veitingastað við ættum að sækja í Luxemburg, þegar við færum til baka.

Um kaffileytið vorum við ferðbúnar í bæinn í Trier,  og rötuðum algerlega beint niðrí bæ: beint niður götuna frá hótelinu og ganga bara fyrir hornið, og þá vorum við komnar niður í bæ, á yndislegar göngugötur með viðeigandi rómverskum sögulegum virkjum, sem við gáfum okkur tíma til að heimsækja.

En þegar við gengum fyrir götuhornið í þetta skiptið, alls óafvitandi að eitthvað sögulegt atvik var að eiga sér stað, blasti við okkur mikill mannfjöldi, húllumhæ og ein allsherjar gleði í miðbænum í Trier. Við áttum nú bara von á rólegum göngutúr um göturnar og þessu venjulega búðarrápi.

Við vissum ekkert hvaðan á okkur stóð veðrið, enda ekkert að fylgjast með fréttum, þannig lagað, hvað þá þegar er við vorum á ferðalagi og með allan hugann í innkaupahugleiðingum. 

En þessi ferð reyndist skemmtileg og viðburðarík, enda ekki við öðru að búast, enda eru Þjóðverjar með endæmum góðir í að búa til skemmtilega stemningu, þegar þar við á og einnig af jafnvel minnsta tilefni.

Vonandi tekst mér, við tækifæri að setja gamlar myndir frá Þýskalandi á tölvutækt form, og setja þær hér inn á bloggið.

Hátíðarhöld hafin í Berlín

Fyrstu viðbrögð: afneitun

Það fyrsta sem mér datt í hug þegar ég heyrði fréttina á RÚV í kvöld að notandi KSÍ greiðslukorts á nektarklúbbi í Sviss færi í afneitun. - Það er alveg sama hvort slíkur aðili (eða aðilar) séu NÚNA búnir að borga herlegheitin úr eigin vasa.

Þú lesandi góður, býrði bara í bananalýðveldi, ef spillingin á að halda áfram að grassera hér. Það ríkir ekki bara spilling meðal miðaldra karla sem sækja sér glaðning á nektarbúllur; stjórnvöld eru líka spillt og við þurfum líka að veita þeim aðhald.

En það sem er vafasamt varðandi þessa frétt um mann/menn sem nota greiðslukort KSÍ inni á svissneskum næturklúbbi, alveg burt frá séð hvað slíkur klúbbur býður upp á (svo sem nektardans, súludans, kjöltudans, einkataíma á hótelherbergi, eða hvað svo sem boðið er upp á), að það er óásættanlegt að nota fjármagn íþróttahreyfingarinnar til slíkrar notkunar.  

Við skulum ekki8 gleyma því að stór hluti fjármagns sem kemur inn í íþróttahreyfinguna er styrkt af lotto.is - Lottóinu, sem þó nokkur hluti landsmanna styrkir, viku eftir viku.

Ég legg til að lottóspilarar þessa lands hætti að leggja lag sitt við slíka spilamennslu, ef að það fjármagn þes þeir leggja i þetta fer í einhverju magni í risnu formanna íþróttafélaga, sem fela í sér heimsóknir á klámbúllur þeirra sömu og þ.a.l. til að sinna kynferðislegum þörfum hinna sömu.

Ég vil taka þaðö fram að ég spila ekki reglulega í lotto.is, þó að það komi fyrir að ég kaupi mér eina töð fyrir fimmtíu kall. En ég mun líklega aldrei gera það oftar, eftir þessar fréttir. Það gengur ekki að feitir fíklar sói mögru fjármagni íþróttahreyfingarinnar. Og svo er þetta alltaf að kvarta yfir fjárskorti? Alveg eins og öryrkjarnir? 

Heyrum við kannski næst fréttir af misnotkun á greiðslukortum einhverra stjóra hjá öryrkjasamtökum, eða hvað?

Óskar skýringa frá KSÍ

Af hverju bara ekki vegahappdrætti í stað vegaskatts?

Enn einn skatturinn á landsmenn, er eina hugmynd stjórnvalda, sem vilja leggja vegtoll bifreiðaeigendur. Er ekki komið nóg af sköttum á landslýð sem margir hverjir eru að sligast undan alls konar afborgunum og svo ku skattar fara hækkandi á nýju ári.

Hvernig væri að stjórnvöld fjármögnuðu þessar vegaframkvæmdir með ríkisskuldabréfum sem almenningur fengi færi á að taka þátt í, t.d. með því að kaupa að lágmarki 10 til 50 þúsund króna skuldabréf með gjalddaga á einhverjum x-degi í nánustu framtíð.

Þetta fyrirkomulag var haft þegar ríkið lagði til atlögu um að leggja hringveginn til enda. Gefin voru út skuldabréf sem sem fólk gat keypt. Var þetta vinsælt enda var þetta skuldabréfaútboð happdrætti í leiðinni. Þannig að ákv. fjöldi þessara skuldabréfa voru dregin út fyrir gjalddaga.

Ég man ekki nákvæmlega hvernig þetta var, þ.e. hvort úttdregin skuldabréf fengu bónusgreiðslu eða voru bara greidd út fyrir gjalddagann með áföllnum vöxtum. 

En eins og við vitum eru bankarnir 'stútfullir af peningum almennings' sem þorir ekki að taka neina áhættu með fjármagn sitt, nema hafa þá í vörslu ríkisins. 

En Adam veður ekki lengi í Paradís, ef erlendir aðilar eru að fara að eignast íslensku bankana. Treystir einhver ókunnugum fjárfestingarðila til að reka íslenskan banka?

Landinn var amk gersamlega græneygður þegar Björgólfur nokkur fékk Landsbankann á silfurfati fyrir örfáum árum.  Bankinn er gjaldþrota.

Landinn var ekki minna grænn milli eyranna þegar framsóknarmaður nokkur, í makki með Ól ánssömum samflokksmanni, fengu Búnaðarbankann til kaups á gjafverði. Bankinn er kominn í þrot í dag. 

Ef Íslendingar geta ekki treyst íslenskum aðilum til að reka bankana, hvernig eiga þeir að treysta ókunnugum aðilum til þess? Auðvitað er þetta ekki spurning um þjóðerni. En mín tilfinning er sú að þeir sem hafa áhuga á að kaupa banka, eru aðilar sem eru virkir í fjárfestingum, og í þeirra augum er eina markmiðið að græða; bankar eru ekki reknir með hag viðskiptavinarins í huga.

Hugmyndir um vegtolla

Ætli þetta blogg mitt birtist, á mbl.is?

síðasta blogg mitt birtist ekki hér á mbl.is

Þess vegna dettur mér í hug hvort moggaboggið sé vatkað, eins og svo margt er vaktað af leyniþónustum ýmissa landa í kringum okkur.

Hverjir eiga moggann? Hverjir eru hluthafar hans? Er ekki stærsti hluthafinn fyrrverandi stærsti hluthafinn í Glitni heitnum? Það minnir mig. 

Mér finnst allavega skrítið, ef þetta er staðreynd, að aðili sem stendur í fjárfestingum, leggi lag sitt við blað sem er ekki að skila hagnaði, amk ekki tölulega séð. Þó að mogginn og moggabloggið sé útbreiddasti fjölmiðill landsins. En það er kannski ekki skrýtið að stærsti eigandi Moggans eigi hann, miðað við þau áhrif sem hann getur haft á það sem er birt í blaðinu, eða á moggablogginu.

Þess vegna verður fróðlegt að fylgjast með því sem kemur ekki fram í mogganum á næstunni, það er varðar ýmislegt í þjóðmálunum. Við hér stöndum vaktina.

Mbl.is fékk hæstu einkunn

Ekki gleyma ykkur í eldamennskunni - plís!

Þegar ég les þessa frétt á mbl.is minnist ég þess að hafa gleymt mér í eldamennsku. Og af hverju gleymdi ég mér: jú ég fór að lesa Moggann, á meðan að ég ætlaði aðeins að hita pönnuna upp. Og þegar ég loksins fór að pönnunni, eftir lestur Moggans, og setti smjörlíkið á hana, gaus þessi líka mikli eldur upp.

Þannig að í mínum huga er Morgunblaðið eldfimt blað, í bókstaflegri merkingu, allt frá árinu 1997, þegar moggalestur minn, varð þess valdandi að það kviknaði í pönnunni.

En mér tókst sem betur fer að hlaupa með pönnuna út úr ibúðinni og út á svalir, án þess að þetta ylli skaða. Reyndar varð pabbi gamli næstum fyrir barðinu á logandi pönnnni, þar sem hann var staddur við innganginn í íbúðina, en með minni fimi tókst mér að koma pönnuskömminni framhjá karlinum og beint út á svalir.

En ég mæli ekki með því að nokkur maður lesi Moggann í miðri eldamennsku, né annað sem getur glapið hugann, en komi sér upp eldhúsklukku (sem er reyndar á mörgum ofnum), eða standi yfir sínum pottum og pönnum sem búið er að kveikja undir. Eftir þessa reynslu kveiki ég aldrei undir pönnu eða olíupotti nema ég láti eldhúsklukkuna minna mig á það eftir 2-3 mínútur. Þannig er ég alltaf "stand-by" innan réttra tímamarka, og get komið í veg fyrir eld í eldhúsinu hjá mér.

Gleymdist að slökkva undir potti

Kaninn gefur ekkert eftir í að ákæra fyrir innherjasvik. Hvað með íslenska saksóknara?

Þessi frétt segir manni að verið sé að taka virkilega á innherjasvikum vestanhafs. En það er spurning um hvernig og hvort verði tekið á álíka málum á Íslandi. Þeir Íslendingar sem hafa framkvæmt hina ýmsu fjármálagjörninga á mörkuðum hér, hafa örugglega lært ýmislegt (misjafnt) af Kananum, í námi sínu á Bandarískri grund, og þess vegna vaknar grunur hjá manni að íslenskir fjármálakólfar hafi hugsanlega lært ýmislegt gruggugt, þarna í Ameríkunni.

En spurningin er, hvort tekið yrði á ólöglegum innherjaviðskiptum hér, eða að það verði látið danka, vegna (fjölskyldu) tengsla milli saksóknara, innherja, dómara og kannski frímúrara?

Ákærðir fyrir stórfelld innherjasvik