Já er það ekki bara fínt mál? Fínt að selja áfengið þarna líka.

Tóbak er ávanabindandi eins og mörg lyf/læknadóp. Áfengið er líka í þessum flokki: lyf/læknadóp, sígarettur og áfengi. Er ekki þá viðeigandi að þetta verði selt á einum og sama staðnum? Fróðlegt væri nú að fá að vita um hversu margir af tillöguflytjendum þessarar þingsályktunartillögu hafa hagsmuni að gæta hvað apótek varðar!!!

En ég ætla að tjá mig betur um þetta mál og sýna fram á að slíkt bann mismuni aðilum sem eru í neyslu. Stay tuned!!!!

Kraftmikil skrúðganga í Austurstræti

Var að koma út úr Landsbankanum í Austurstræti um kaffileytið í dag, þegar herskari af börnum gengu Austurstrætið og börðu bumbur í takt. Hvað er í gangi? Hugsaði ég með mér. Gat ekki greint orðaskil og reyndi að lesa á borðana barnanna.

Ég stóð þarna á tröppum höfuðstöðva Landsbankans. 'Kannski eru þau að mótmæla einhverju varðandi hrunið, eða jafnvel fyrrverandi eiganda Landsbankans.' Hugsaði ég með mér. Securitas maðurinn sem ég stóð við hliðina á þarna á tröppunum sýndi engin svipbrigði. Þannig að ég hætti mér ekki í neinar umræður við hann.

Skrúðgangan var löng, og ég sé eftir að hafa ekki verið með myndavélina á mér. En svo hætti ég mér út í skrúðhafið og gekk við hliðina á konu: "Eru þau að mótmæla einhverju eða fagna einhverju?" spurði ég. "Við erum frá Frístundaheimilum í Vesturbæ, og erum að fara í kassabílarallíkeppni á Ingólfstorgi." - Þar kom skýringin og ég óskaði þeim góðs gengis. Held að hennar flokkur hafi unnið í keppninni. Hún var blámáluð í framan.

Kraftmiklir kassabílar kepptu

Skelfilegt að borgin hafi fjarlægt körfubolta körfu sem og

kastala og sandkassa.

Ég þekki ekki málavöxtu, en skv. fréttinni má skilja á viðmælanda að körfuboltakarfa, sem og sandkassi og klifurkastali hafi verið fjarlægð í Grafarvogi og jafnvel vegna kvartana eins íbúa (kannski fleiri). Skelfilegt að karfa sé fjarlægð nú, eftir að hafa verið uppi í áraug. Hver er eiginlega stefna borgarinnar gagnvart velferð barna- og unglinga? Eiga þeir að mæna göturnar á meðan foreldrarnir krefjast þess að hljóð sé í hverfinu á meðan þeir hlusta og horfa á fréttir og sápuóperur á öldum ljósvakans?

Eftir að hafa lesið þessa frétt, get ég ekki mælt með að Reykjavík sé barnvæn borg.

Nú þurfa krakkar virkilega að láta hendur standa fram úr ermum og mótmæla niðurtöku körfunnar sem og kassans og kastalans.

Næsta skref verður að gera skurk í að ýta á borgarstjóra og stjórn hans hjá borginni og krefjast þess að krakkar í Reykjavík geti notið þess að fá tækifæri til að leika sét úti og að borgin viðhaldi viðeigandi leiktækjum til þess og heimili að sama skapi leik barna á viðeigandi útivistarsvæðum, þ.e. rólóum og leiksvæðum sem eru í eigu borgarinnar. 

Kannski er næsta skrefið að krakkarnir í Grafarvoginum eiga þess ekki annars kost en að mæta með mótmælaspjöld niður í ráðhús uppúr hádeginu á föstudaginn í þessari viku. Tilefnið er nægilega mikið. 

ÁFRAM GRAFARVOGSKRAKKAR!!!!

Mótmæli í Grafarvogi í kvöld

Vinir Sjonna voru frábærir og ég hafði á tilfinningunni að þeir kæmust áfram ...

... sem og þeir gerðu - með stæl.

Ég hef ekki fylgst nægilega mikið með keppninni og hvað þá framlagi Íslands í ár, en ég hef þó hlustað á lagið og eitthvað séð af framvindu sveitarinnar í sjónvarpinu síðustu daga.

Þegar ég horfði á framlag Íslands í kvöld, varð ég stolt af framlagi okkar: þarna voru strákar að spila og syngja, í minningu vinar síns og það sem mér fannst lang flottast var að allir í bandinu sungu - sinna hluta í laginu. Þetta er fallegt lag og bandið kom vel út á sviði, þar sem ekkert var um tiktúrur eða sjónhverfingar. Mér fannst sætt þar einn gæjinn í bandinu kyssti starfsélaga sinn, þegar stutt var liðið á lagið/sönginn, en ég fattaði ekki alveg í hvaða tilgangi það var.

Gaman væri að einhver lesandi þessa bloggs og aðdáandi "I'm coming home" gæti útskýrt fyrir mér afhverju kossinn varð á þessu augnabliki í laginu, eða bara koss yfirleitt. Ekki það að ég sé ekki fyrir það að kyssa án tilefnis, eða þannig.

Áfram Ísland í Eurovision!

 

 

Ísland komst áfram

Óvænt atvik varðandi Breska brúðkaupið: alnöfnur væntanlegrar brúðar, Kate Middleton.

Æ, já, svona er lífið. Það er enginn einstakur. En eftir að hafa velt aðeins fyrir sér væntanlegri brúði, og hugsanlega framtíðardrottningu Bretlands, þá hef ég á tilfinningunni að Kate Middleton geti höndlað þetta - þ.e. gengið í hjónaband með arftaka bresku konungsfjölskyldunnar og hafi bein í nefinu til að takast á við þá stöðu sem þessu hjónabandi fylgir.

Við Íslendingar fengum tækifæri í síðustu viku til að kynnast Kate og parinu í mynd sem var sýnd á RÚV.  Og eftir að hafa horft á, fékk ég á tilfinninguna að Kate gæti höndlað þetta konunglega hlutverk. Hún virðist vera yfirveguð. Er háskólamenntuð. Og hefur greinilega haft metnað til að vilja vera hefðarkona.

Eftir að hafa horft á þáttinn, fannst mér að þessi stúlka gæti tekist á við þetta hlutverk, þ.e. að vera eiginkona ríkisarfa bresku krúnunnar. En ég fór ósjálfrátt að bera hana saman við aðrar konur sem höfðu gifst inn í þessa breksu fjölskyldu: Díana var kannski of ung og barnaleg, til að höndla hlutverkið. Fergie? Veit ekki, en mér finnst hún hafa verið hávaðasöm og svolítil brussa. En hvað er eiginlega enska orðið yfir "brussa." Langar til að fá álit lesenda á þessu bloggi á því: brussa, á ensku???

Ekki sú Kate Middleton...

Hvaða högg?

Getur Orkuveitan útskýrt fyrir notendum sínum hvaða högg orsaka það að heitavatnslagnir bresta. Fyrst í Þorlákshöfn og svo í Árbæ? Hvaða hverfi verður næst? - Er hægt að rekja þessi atvik að einhverju leyti til fækkunar starfsmanna hjá Orkuveitunni. Þetta lítur út fyrir að vera alvarlegt mál burt séð hver orsökin er.

En óska eftir svari: HVAÐA HÖGG VAR ÞETTA? OG HVER ER ORSÖKIN?

Heitavatnslagnir brustu

Forystumaður Sjálfstæðisflokksins segir "já" við IceSave ...

... margir urðu undrandi vegna þeirrar afstöðu forystumannsins, að segja "já" við IceSave. Í fréttinni segir frá því að skortur sé á málafylgju formanns Sjálfstæðisflokksins sem hafi veikt já-hliðina. Skil þessa setningu ekki alveg. En í dag hvíslaði lítil mús að mér, að ástæðan fyrir því að Bjarni Ben. hefði samþykkt IceSave samninginn þarna um daginn á þinginu, að í staðinn yrði tekið vægt á N1-gjaldþrotinu, sem hann og hans fjölskylda eiga stóran hlut í.

Vitnar um veika forystu

Jæja, nú á að far'að leggja embætti Sérstaks niður ...

með sameiningu við efnahagsbrotadeild ríkislögreglustjóra.

Sérstakur er að sinna sínum málum, en er ekki gefinn nægilega mikill tími áður en ríkisvaldið sameinar hann við efnahagsbrotadeild ríkislögreglustjóra.

Þetta sýnir almenningi að ríkisvaldið ber litla virðingu fyrir Sérstökum og ég vil fá að heyra rök þes fyfir sameiningu þessara embætta (ekki samt sparnaðarrökin ..).

En innst inni, vil ég kannski fá að heyra sparnaðarrökin ... því þegar tvö embætti eru sameinuð hjá ríkinu, þá hlýtur yfirmaður að þurfa að fjúka. Auðvitað er ódýrara fyrir ríkið að borga einum yfirmanni laun í stað tveggja. Og svo framvegis. Ætlar ríkið að reka Sérstakan við þessa sameiningu embættanna? Eða öfugt? Og á hvaða hátt sparar ríkið fyrir þegna sína við sameiningu þessara embætta?

Efnahagsbrotadeild færð undir sérstakan saksóknara

Var tarantúlan ekki bara vespa, þarna í strætó?

Las frétt í kvöld um að farþegi í strætó hefði séð tarantúlu í vagninum. Enginn annar hafði komist í tæri við tarantúluna. Var þetta bara ísnensk köngurló eða bara vespa?

En við lestur fréttarinnar rifjaðist upp fyrir mér strætóferð í fyrrasumar, þar sem geitungur einn fór mikinn í strætisvagni sem ég tók frá miðbæ Reykjavíkur á leið heim. Vespan var á vappi þarna í vagninum og tók sér stæði nálægt stórum og stæðilegum karlmanni þarna í vagninum. Ég forðaðist vespuna, sem og aðrir þarna.

En ferð vespunnar í vagninum tók sem betur fer enda, vegna skjótra viðbragða tveggja kvenna þarna í vagninum, sem voru greinilega vanar að fást við slík kvikindi. En þessar valkyrjur voru nýbúar, þó að ég viti ekki hvaðan þær komu (kannski Filipseyjum eða Thailandi). Á örlagastundu, tók önnur þeirra skóinn af sér og hafði kvikindið undir með skósólanum, alls óhrædd við slíka atlögu. Dýrið var dautt. 

Ég hugsaði með mér: þær eru greinilega vanar að fást við alls konar kvikindi, enda man ég eftir að konur niðri við Miðjarðarhaf, þegar ég bjó þar, notuðu einmitt slíka aðferð við að losa sig við alls konar pöddur og viðlíka ófögnuð. Fólk í þessum löndum elst upp við alls konar ófögnuð og lærir að bjarga sér og harður skósólinn er greinilega besta vopnið.

En við hér, landinn, erum óvön, og eigum kannski eftir venja okkur við að þora að kremja kvikindi í stað þess að æpa og veina undan þessum kvikindum þegar þau birtast.

En eftirfarandi er bútur úr fréttinni á DV:

"„Það er búið að tala við alla vagnstjórana og kanna þetta allt saman og það kannst enginn við þetta,“ segir Reynir Jónsson framkvæmdastjóri Strætó. DV.is leitaði viðbragða hjá honum vegna fréttar frá því í gær af Marcel Wojcik sem segist hafa fundið stærðarinnar tarantúlu í sætinu við hliðina á sér þegar hann ferðaðist með leið sex í gærdag.

„Okkar fólk talar líka við þennan mann en allar tímasetingar sem hann gaf upp og annað, þær fást ekki staðist. Hann talar um að hafa tekið vagninn á einhverjum ákveðnum tíma á Hlemmi og þá er engin sexa þar,“ segir Reynir."

Fann á mér að það væri einhver "titringur" í gangi í stjórninni þarna á sunnudagskvöldið

Í gærkvöldi, þ.e. á sunnudagskvöldið, fann ég á mér að eitthvað væri í aðsigi. Var að koma úr vinnunni og beið eftir strætó á Hverfisgötu við Stjórnarráð. Þar sá ég þrjá stóra jeppa fyrir framan Stjórnarráðið og 2 bíla á stæðinu fyrir ofan. "Hvað er í gangi?" hugsaði ég með mér. Það var greinilega fundur stjórnarherra í ráðuneytinu þetta kvöld og á "skrýtnum" tíma, þ.e. um kvöldmatarleytið. Þá er eitthvað í gangi, alveg eins og þegar ég sá sjónvarpsbílinn sunnudagskvöldið í lok sept. 2008, daginn áður en Glitnir var yfirtekinn.

Svo gleymdi ég þessu bara með jeppana þarna á sunnudagskvöldið ... en í ljósi frétta í morgun, mánudaginn 21. mars, fara jepparnir við stjórnarráðið að fá ákveðna merkingu.

Mánudaginn 21.3. komu Lilja Móses og Atli Gísla í viðtal í síðdegisþætti á Útvarpi Sögu. Þar kom fram hjá þeim, að þau hefðu tilkynnt nokkrum völdum þingmönnum, í trúnaði, ákvörðun sína um að þau ætluðu að segja sig úr þingflokki Vinstri grænna, þarna daginn áður, þ.e. á sunnudeginum. Í ljósi þessa fæst skýringin á því að fundur hafði greinilega átt sér stað í stjórnarráðinu á "sktrítnum tíma" í stjórnarráðinu á sunnudagskvöldinu: tilkynningu krókaparsins hafði líklega verið lekið út. Kannski til Steingríms J. Og spurningin er: var kallað til neyðarfundar þarna í stjórnarráðinu sunnudagskvöldið 20 mars? Og ef svo er, hver kallaði? Var það kannski Steingrímur? - Mín tilfinning er sú að það hafi leikið allt á reiðiskjálfi í Vinstri grænum og ríkisstjórninni allri á sunnudaginn, eftir tilkynningu krókaparsins til nokkurra útvaldra, í trúnaði.

Segja sig úr þingflokki VG