Óhugnanleg árás Trump á Írak

Hvaða afleiðingar mun þessi árás hafa?

Ráðist er á annan valdamesta aðila í Írak. Og var viðkomandi 'vinsælli' en sá valdamesti.

Árás Trump á Solemani var hefnd USAfyrir árás á bandaríska sendiráðið þar sem vertaki (contractor) lét lífið. Ákvörðunin var tekin einhliða, án samþykkis þingsins.

Trump ber því við að Írak/Solemani hefði verið að undirbúa hryðjuverkaárás á Bandaríkin. Ef það er satt, af hverju var árásin þá ekki gerð fyrr?

En þessi árás getur haft afleiðingar. Írakar segjast ætla að hefna. Maður hefur áhyggjur af því að þeir reyni að ráða Trump sjálfan af dögum. Að öðrum kosti verður hugsanlega framkvæmd hryðjuverkaárás í USA í líkingu við 911.

Árásin á Solemani var gerð 2. eða 3. janúar (erfitt að átta sig á tímasetningu v. mism. tíma í Miðausturöndum), en ef Írakar vilja hefna með hryðjuverkaárás velja þeir kannski 2. eða 3. mars: 2.3. eða 3.3.

Það sem heimurinn þarf ekki núna er 3ja Heimstyrjöldin.

Bandaríkjaher gerir loftárás í Írak

Viðskiptavinir Landsbankans yfirheyrðir í heimabanka!

Fyrir nokkrum dögum, er ég átti leið í heimabankann til að borga reikninga, varð fyrir mér þröskuldur spurninga áður en ég gat haldið áfram að sinna erindinu. Spurt var um hvaðan peningarnir koma (sem maður leggur inn), hvort maður væri í launaðri vinnu, og svo fleira og fleira. Ég reyndi að svara þessu samviskusamlega og komst að lokum í heimabankann.

Eftirá á að hyggja, set ég spurningamerki við þessar spurningar bankans. Þarf bankinn að vita hvort ég sé í launaðri vinnu, þ.e. hvort ég starfa hjá einhverju fyrirtæki eða starfa sjálfstætt, til að geta verið viðskiptavinur bankans? Leita kannski til Persónuverndar til að fá uppl. um minn rétt.

Ég sé það núna að bankinn er undir ratsjá Fjármálaeftirlitsins varðandi peningaþvætti, sem skýrir spurningarnar.

Af hverju var þessi ratsjá Fjármálaeftirlitsins ekki virk á árunum rétt fyrir hrun? Hverjir voru í stjórn og/eða starfsmenn þess á þessum árum og hvaða hagsmunatengsl höfðu þeir við eigendur íslensku bankanna?

Helstu eigendur á árunum fyrir hrun:

T.d. Jón Ásgeir og co. í Íslandsbanka, ásamt Samherjamanninum, að norðan.

Bakkabræður, Ólafur Ólafsson, Finnur Ingólfsson og fleiri í Kaupþingi.

Björgólfsfeðgarnir keyptu hlut í Landsbankanum.

Kannski gleymi ég einhverjum. En við þekkjum leikslokin.

En núna, áratug síðar, er verið að rýna í viðskiptavini Landsbankans og líklega hinna bankanna, til að ganga úr skugga um að þessir viðskiptavinir séu nú örugglega heiðarlegir og stundi nú ekki peningaþvætti!

 

Brotalamir í peningaþvættisvörnum

Djöf. ... er þetta ljótt. Togarar eru miklu viðulegri skip!

Líklega hefur ljósmyndari snekkjunnar, Tor A. Johannessen verið orðinn mjög leiður á togurum og flutningaskipum og misst sig við sýn snekkjunnar "Bravo Eugenia" og tekið myndina.

Og ekki hefur sakað að hann hefur fest mynd af dýrustu snekkju í heimi! 30 milljarða virði! Líklega ekki þess virði að taka mynd af ódýrum farkosti.

Moggarar fengu myndina senda frá Tor, sem lýkir myndinni við fagran svan innan um togarana. Hvað ætli mogginn hafi greitt fyrir myndina? Þeir bitu á agnið hjá ljósmyndaranum. Þessi Tor kann vissulega að selja sig.

Það virðist sem Íslendingar geti ekki haldið vatni yfir þeim ríku og efnamiklu og hvað þá þegar þeir sigla fleyjum sínum í hafnir hér á slóðum eða mæta til landsins í vinnu- eða einkaerindum.

Og með ólíkindum hvað skrifaðar eru langar fréttir um ríka og fræga, sem vilja bara vera í friði og fara sínar ferðir án áreitis. En við lesum þessar fréttir þegar þær birtast, ef ekkert stórvægilegt er í fréttum sem við viljum frekar lesa.

En auðvitað er fegurðarskyn á skip alltaf smekksatriði hvers og eins. Ég kýs ódýrari kostinn: togarana.

30 milljarða snekkja við Körmt

Sauðkindin!

"Ekkert er yndislegram en að ganga út á fjárvanginn á vorin ..."

Myndin sem fylgir fréttinni er af eiginkonu leikarans Chris Pratt í fylgd sauðfés í Ameríku. Ég dáist að henni í sauðabúskapnum. En mér finnst þær íslensku sætari og fallegri. Og bragðst líklega betur!

Líkir konu sinni við íslenskan fjárhirði

Nú "förum við í" dag íslenskrar tungu!

Auðvitað vildi ég semja aðra fyrirsögn á þetta blogg.

En Dagur íslenskrar tungu er í dag, laugardaginn 16. nóvember.

Ég hef tekið eftir því að fjölmiðlafólk á ljósvakamiðlunum notar flatt tungumál (þeir leggja ekki áherslu á að nota fjölbreyttan orðaforða, en við eigum fjöldan allan af góðum sagnorðum), og margir viðmælendur sletta ensku í viðtölum.

"Nú förum við í auglýsingar" heyrist oft og einatt á útvarpsstöðvum. Stundum nota þáttastjórnendur aðrar sagnir til að tilkynna þetta. En allt of sjaldan.

Eftirfarandi dæmi um "að fara í" :

5.10.2018 - Gettu betur (Dís): "þá förum við í 9. bjölluspurningu."

4.10.2018 - Hringbraut - Fréttaþátturinn 21: "Við ætlum að fara næst í þá sögu sem hefur ekki enn verið sögð ..." Viðtal við Hagsmunasamtök heimilinna.

5.10.2018 - Gettu betur (Dís): "Nú förum við í stutt skilaboð."

 

Kannski finnur Andrew prins fyrir elliglöpum ...

Eftir langa mæðu heyrist loks í Andrew prins í viðtali í bresku sjónvarpi og 'þykist' hafa brugðist fjölskyldu sinni með því að dvelja á heimili Epstein. 

En þykist ekkert muna eftir Gislaine, sem send var sérstaklega til Bretlands til að þjóna prinsinum á sínum tíma. En mynd af þeim saman ásamt þriðja aðila hefur farið eins og eldur um sinu um netið.

Ekki trúverðugur konungsmeðlinur.

En samt fær hann eitt prik hjá mér: hann þjónaði í breska hernum sem þyrluflugmaður og var á fullu í Falklandseyjastríðunu 1982.

En eftir að hann lauk starfi sínu hjá breska hernum hefur hann líklega skort spennandi verkefni, og lenti í vinfengi með perranum Epstein, og fékk tækifæri til að stunda kynlíf með stúkum undir lögaldri.

Brást fjölskyldunni með því að dvelja hjá Epstein

"Hjólum í helvítis tíkina"

Níð gagnvart dýrum hefur viðgengist í aldaraðir hér á landi. Ef fólk talar illa um einhvern er honum/henni oft líkt við dýr. Bændur hér fyrr á árum notðu dýrin sín sem viðmið í tungumálinu. Þetta voru dýrin þeirra, og dýrin sem sum hver fæddu þá og klæddu.

Þeir báru enga virðingu fyrir dýrunum sínum.

Sama á við þá sem reka dýragarða. Ég vorkenni dýrum sem eru lokuð inni í búrum. Þetta á við t.d. garða eins og Húsdýragarðinn og dýragarða sem maður heimsótti sem krakki í útlöndum.

En það er ekki nóg að vera á móti dýragörðum einungis: við þurfum að byrja á okkur sjálfum: nota ekki dýranýð í daglegu tali.

Ekki segja að ég sé t.d. helvítis belja eða bykkja með því að blogga þetta.

Betra er að nota orð eins og t.d.: helvítis frekja, herfa, skrukka.

Bara, "plís" hættum að níðast á dýrunum okkar í tungumálinu.

Kalla Húsdýragarðinn „fangelsi“ og „helvíti“

Leikendur Play velja ekki ódýrasta staðinn

til að fagna stofnun nýs félags. Það er haldið upp á þetta með því að þeir "fögnuðu ærlega" skv. mbl.is,  9 metrum neðanjarðar í Bláa Lóninu. Grunar að þetta sé rándýr staður. En þetta er þó innanlands.

En þetta minnir mig svolítið á hvernig starfsmenn í fjármálafyrirtækjum og öðrum fyrirtækjum hér fyrr á árum, ca. 9 klst. fyrir hrun skemmtu sér í árshátíðar- og bónusfyrirtækjaferðum: þeir átu gull!

Veit ekki hvort Bláa lónið bjóði upp á gull í drykkjum sínum þarna neðanjarðar. En hver veit, kannski lumar Lónið á einhverjum töfra málmum þarna neðanjarðar.

 

Forstjóri Play fagnaði í vínkjallara Bláa Lónsins

"Fótbolti" á lofti á Akureyri.

Mynd sem ég tók á Akureyri í júlí 2018, minnti mig á fótbolta, enda sumarið sem Heimsmeistaramótið í fótbolta var haldið.

Í framhaldi af frábærri mynd frá Siggu Maija sem hún tók á Hverfisgötunni í morgun af egglaga skýji, deili ég boltamyndinni með ykkur.

Ég veit ekki af hverju myndir sem ég set inn hér birtast allar á hvolfi. Kannski getur einhver leiðbeint mér með það. En myndin er mjög líklega tekin 8. eða 9. júlí. Þann 8. var vindur, og rok þann 9. Þorsteinn V. Jónsson hjá Veðurstofu Íslands segir að þetta sé vindskafið ský, sem lendir í háloftavindum og er kallað linsuský.

Ljósastaurar í fréttum

Ekki er algengt að lesa frétt um eld í ljósastaur. Og í dag las ég frétt um að kveikt var í bandaríska fánanum nálægt Höfða til að mótmæla komu varaforsetans.

Ég bæti þá bara við frásögn af ljósastaur við Höfða í dag. Ég var mætt á staðinn fótgangandi til að fylgjast með heimsókninni. Man eftir að hafa gert mér ferð að Höfða f. rúmum áratug þegar kviknaði í húsinu. En það er önnur saga.

Ég stend nálægt bitanum úr Berlínarmúrnum og er að fylgjast með því sem er að gerast kringum mig. Bílar komu akandi vestur Borgartún en svo var það lokað þarna rétt vestan við Arion banka. Þá þurftu þessir bílar að taka u-beygju inn á næsta bílastæði til að snúa við. Það hefði verið skynsamlegra að loka götunni við Nóatún.

Svo bregður mér við mikinn skarkala: tveggja hæða bifreiðatrukkur sem var að ferja 5 bíla tekur u-beygjuna og ekur utan í rauðan ljósastaur og við það brotnar ljóskúpullinn og fellur til jarðar.

Ég skoða þetta ásamt borgarstarfsmanni sem var staddur þarna og ég sé að kúpullinn er ekki sterkbyggður úr járni, þetta er steypt úr einhverju efni. 

 

 

 

Eldur í ljósastaur í Lágmúla