Mynd af Hannesi vakti athygli lögreglu - af hverju?

Ég sendi mínar innilegustu samúðarkveðjur til fjölskyldu Hannesar. Lát hans er mikill missir fyrir aðstendur hans. Og það er erfitt að setja sig í þau spor sem fjölskylda hans þarf að líða, vegna þessa máls.

En ég velti fyrir mér, af hverju mynd sem var tekin af Hannesi, og kærustu hans, kvöldið fyrir morðið á honum, hafi vakið athygli lögreglu? Þetta er bara mynd, sem var tekin á góðri stund. En þessi mynd vekur líka svosem athygli mína.

Eftir að hafa lesið fyrstu fréttir af þessu máli, þá kom fram að kærasta Hannesar hafi komið að honum látnum fyrir hádegi á sunnudeginum. Ég velti fyrir mér, að ef hann átti kærustu, af hverju sváfu þau þá ekki saman þessa nótt? - Jú auðvitað gat verið skýring á þessu: ef einhver maður á kærustu, hvort sem þau búa saman eða ekki, þá gat það alveg verið að kærastan hefði verið að sinna sínum áhugamálum þessa helgi, eða þennan ákveðna laugardag, og mætti síðan heim til kærastans á sunnudeginum, rétt fyrir hádegi.

En eftir að hafa lesið frétt og séð mynd af Hannesi og kærustunni á tónleikum kvöldið fyrir morðið, og sem var birt á Víkurfréttum, en þetta er ljósmyndin sem vakti athygli lögreglu, þá velti ég eftirfarandi fyrir mér: hvert fór kærastan hans eftir tónleikana? Af hverju fór hún ekki heim með Hannesi að sofa?

Eftirfarandi er frásögn DV af fréttinni tengdri þessari mynd:

 

Síðasta myndin sem náðist af Hannesi Þór Helgasyni á lífi, kvöldið áður en hann var myrtur á heimili sínu þann 15. ágúst síðastliðinn, vakti athygli lögreglunnar við rannsókn málsins. Myndin birtist á vef Víkurfrétta sem greinir frá því kvöld að lögreglan hafi fengið afrit af ljósmyndum Víkurfrétta frá fjölskyldudeginum í Vogum strax á fyrstu dögum rannsóknarinnar. „Með það fyrir augum að finna hugsanlegan morðingja á myndunum,“ eins og segir á vf.is.

Á myndinni stendur Hannes Þór fyrir aftan unnustu sína sem er í hópi vinkvenna. Myndin var tekin að kvöldi fjölskyldudagsins, þegar Bubbi Morthens hélt tónleika á hátíðarsvæðinu. Síðar um nóttina var Hannes myrtur og því talið að þetta sé síðasta myndin sem náðist af honum á lífi.

Eins og áður hefur komið fram situr Gunnar Rúnar Sigurþórsson í gæsluvarðhaldi grunaður um aðild að andláti Hannesar. Hann var þó hvergi sjáanlegur á myndinni sem hér birtist.

 

Gæsluvarðhaldsúrskurður staðfestur

Reykjarmökkurinn fór ekkert fram hjá manni ...

Já, mig grunaði að mökkurinn kæmi frá stóriðjunni þarna á Grundartanga, þegar ég var á leið heim um 20:30 í kvöld. Töluverðan reykjarstrók lagði í vestur út á Faxaflóa og ég þóttist sjá að um töluverðan bruna var að ræða. Vonaði bara að það væri ekki eldur í býli. 

Þessi bruni segir okkur einu sinni sem oftar, að þessi stóriðja þarna er stór hættuleg. Stutt er síðan að sviplegt slys varð þarna. Ofnarnir þögnuðu þá. En greinilegt er að eigendur verksmiðjunnar töldu í lagi að kynda aftur undir ofnunum. - Það er greinilega enginn kvóti á því hvað þessar fabrikkur fá í mengunar- og aflífunarkvóta: þær menga og jafnvel aflífa starfsfólk, ef því er að skipta. Það er sorglegt.

Reyklosun meðan á viðgerð stendur

Af hverju keyptu þeir feðgar þá þennan banka? ...

... ef verið var að reyna að "fegra fjárhagsstöðu Landsbankans þegar unnið var að einkavæðingu" hans. Mér er spurn? En það er greinilegt, í þessu ljósi, að BTB og kó. hafi ætlað sér að komast yfir íslenskan banka, hvað sem það kostaði á þessum tíma.

Eða hvaða fjárfestar með viti, ákveða að fjárfesta í banka sem eigendur (lesist= stjórnvöld) hans gera meira úr virði hans en satt er?

Hvað liggur þar að baki annað en að taka sjénsinn til að ná í fjármagn og völd í samfélaginu?

Og þeir sem fjárfesta í svona banka sem að seljendurnir hafa bara fegrað myndina af, reyna auðvitað að gera allt til að tapa ekki þessari 'lélegu fjárfestingu' úr út lúkunum á sér.

En allir geta lent í að 'gera slæm kaup' og þar er BTB engin undantekning og ég ekki heldur.

Og það er til áhugaverð lýsing á því, í þann mund þegar bankinn var að hruni kominn, haustið 2008, eða í rauninni hruninn, þegar BTB var kallaður til í ráðherrabústaðinn, þar sem hann skoppaði upp tröppurnar "eins og kengúra," en ein sjónvarpskonan á RÚV orðaði þetta svona þarna í myrkrinu við ráðherrabústaðinn í Tjarnargötunni þetta undarlega haust 2008.

En það væri áhugavert fyrir lesanda þessa bloggs og aðra að rifja aðeins upp hvað fór fram þarna í ráðherrabústaðnum. En það verður að bíða næsta bloggs frá mér. Hef ekki tíma fyrir meira pár í bili.

Reynt að fegra stöðu bankans

Spaugstofan birtist bara á annarri sjónvarpsrás ,..

við þurfum ekki að hafa neinar áhyggjur af því að að Spaugstofan sé að leggja upp laupana. Síður en svo. Hún dúkkar bara upp á einhverri annari stöð, sem mörg okkar eru ekki áskrifendur að. Þá bara missum við af þeim, og ekkert við því að gera. Enginn er ómissandi. Við búum bara til okkar eigin spaugstofu í staðinn. Ekki satt?

Spaugstofan lifir áfram

Laugardalslaugin loks opin 24/7, eða þannig ...

Skemmtilegt framlag hjá borginni. Það var alltaf mikið framfaraátak í mínum augum er Laugardalslaugin var opnuð á sínum tíma. Stórt skref frá gömlu lauginni á Sundlaugaveginum, þar sem allar gömlu kellingarnar unnu, og sem beittu okkur krakkana andlegu ofbeldi ásamt sinni frægu frekju.

Og svo var það ekki lítið skref að taka forskot á sæluna varðandi hina nýju Laugardalslaug, með því að geta skellt sér í sund í lauginni, seint um kvöld, áður en hún var meira að segja vígð, hvað þá opnuð. Við vinkonurnar fundum leið til að klifra yfir vegginn og fá okkur ólöglegan sundsprett þarna, á lokastigi byggingar laugarinnar. Það var gaman. En vissulega miklu skemmtilegra að synda í og njóta laugarinnar í dag.

En þessi sundvaka er ekki frí. Er það nokkuð? Ekki frekar en Strætó bs.

--

En ég dáist að Akureyrarbæ, þar sem ég var gestkomandi um s.l. helgi. Þar var frítt í strætó!

Gerir aðrir betur!!!!

 

Nætursund í Laugardalslaug

HM kemur alltaf á óvart!

Margir voru búnir að spá Þjóðverjum sem sigurvegurum á HM 2010, en það er ekki aö ganga eftir. Við verðum alltaf að spyrja að leikslokum. Því allt getur gerst. Spánverjar gætu tekið þetta, sko.

Spánn leikur til úrslita

Hettumávabylting við Stjórnarráðið - Framhald af búsáhaldabyltingunni?

Mér finnst ég kannast við konuna á myndinni. - Já nú man ég: ég var að bíða eftir strætó rétt fyrir kvöldmat í gærkvöld - í  boði nýrrar borgarstjórnar Jóns Gnarr - vagninn ætlaði ekki að stoppa þarna neðst í Hverfissötunni; vagnstjórinn var YFIRSTRESSAÐUR af því að hann var að reyna að halda tímaáætlun.

Ég skrifa þetta innlegg hér, eigi að síður í þágu Stætó bs. bílstjóra, en annars, enda veit ég að bílstjórar hjá Strætó bs. eru og hafa verið undir miklu álagi gegnum árin, skv. samtölum mínum við nokkra þeirra. Þeir hafa lítinn tíma til að klára hringinn sinn og lenda oft í kjaftinum á ónáægðum kúnnum vegna seinkunar en líka vegna  glannaskapar í akstri á vissum leiðum. En það er önnur saga.

Ég var reyndar stödd í strætóskýli rétt f. kl. 18, mánudaginn 5.7., nánar tiltekið neðst á Hverfisgötu. Í þetta skiptið kom vagninn á hárbeittum og réttum tíma og ætlaði vart að stoppa fyrir okkur sem biðu eftir honum: vagnstjórinn var að reyna að halda tímaáætlun.

Mér var svosem sama: því að ég gleymdi mér við að fylgjast með "smáfuglunum." Kona ein var á fullu við að gefa fuglunum brauð á lóð Stjórnarrápsins. Og tveir karlmenn fylgdust með, og virtust vera þátttakendur í göfinni, enda kvakaði annar þeirra hátt og skýrt, eins og fugl. Eða var það konan sem gat kvaka svona hátt og skýrt? Veit ekki.

Fuglager safnaðist við Stjórnarráðið og uppi á þaki þess. Mér fannst þetta táknrænt og hélt að fuglarnir væru kríjur: skyldu þær nokkuð gogga í hausinn á Jóhonnu, hugsaði ég með mér.

Gekk að mönnunum og bauð góðan daginn. Spurði hvort það væri með ráðum gert að vera að gefa fuglunum brauð þarna við stjórnarráðið. Jú, þeir héldu það: þetta var hettumávur og þarna myndu þeir skíta á stjórnarráðið. - Og þar fór kríjukenningin mín. Og ég er farin að fatta það að það er eins gott að fylgjast bara með mótmælum niðri í bæ til að læra á fugla ... En mótmælakenningin mín stóðst.

Ég þóttist hafa séð einhver tákn í þessari brauðgjöf þeirra þarna við stjórnarráðið og aðspurðir svöruðu þeir því að þeir hefðu verið viðstaddir mótmælin við Seðlabankann um hádegið sama dag og nefndu í leiðinni að það yrði ríkisstjórnarfundur daginn eftir kl. 9:30 (6.7.10) og þá yrði mótmælt sem og við Seðlabankann eftir það.

Ég hvet alla þá sem hafa tíma, kjark og þor, til að mæta niðrí bæ á morgun. Alveg burt séð frá því hvort þeir hafa lent í lánadrottnum á borð við bílalánafyrirtæki eða gömlu svæsuðu svikabankana. Mikilvægt er að standa við bakið á öllum þeim sem lentu í svikamillunni.

Þeir sem hafa ekki lent í kjaftinum á lánadrottnum vegna bíla- eða íbúðakaupa á myntkörfulánum gera mikið gagn með því að styðja við bakið á löndum sínum með því að mæta.

Táknrænt væri að mæta á svæðið með svata hettu um höfuð eða háls: það er í takt við það sem okkar dyggu atvinnumótmælendur lögðu áherslu á við Stjórnarráðið í dag: að örvar hettumávinn. 

Á sama hátt verður að örva máttvana ríkisstjórnina til  TAFARLAUSRA AÐGERÐA.

Ég ýminda mér að margir Íslendingar sjár ríkisstjórnina alfarið fyrir sér sem teymi með svarta hauspoka á sér: þeir sjá ekkert, vita ekkert, heyra ekkert.

Landsmenn bretti upp ermar fyrir þriðjudaginn 6. júlí 2010!

Áfram mótmælt í fyrramálið

Olíuborun við Grænland. Hvaða 'grænfriðungar' vilja standa vaktina þarna?

Hef tilfinningu fyrir því að olía eigi eftir að finnast á þessu svæði. Enda virðist olía finnast í jarðlögum í sjó víða í hafinu. Olía er ekki bara í Mexíkóflóa eða við strendur Sjakalíneyju í Rússlandi.

En mikilvægt er að umhverfisverndarsinnar fylgist grannt með því sem gerist á svæðum þar sem iðnaðurinn tekur völd.

Þeim sem er annt um umhverfið verða að vera á vaktinni. Umhverfisverndarsinnar þarna í Rússlandi hafa lítið gefið eftir við Sjakalíneyju.

Það er ekki nægilegt að finna olíu á kostnað annara hluta í náttúrinni.

Olíuborun hafin við Grænland

"Mér finnst rigníngin nóg ..." En Íslendingum ekki

Ég fæ ekki betur séð á fréttamynd mbl.is en að sægur áheyrenda hafi mætt á tónleika Inspired by Iceland í Hljómskálagarðinum í kvöld. Tónlistaraðdáendur láta ekki smá regn aftra sér frá því að mæta á tónleika í rigningu. Enda blankalogn í Reykjavík í kvöld. Hver þarf að kvarta?

Í morgun átti ég erindi út í klukkubúðina í mínu hverfi og búðin var, að mér fannst, full af túristum í regn-ponsjóvum. Þótt hann rigni, setur fólk bara upp regnhlífar og klæðir sig eftir veðri og veigrar sér ekki við að mæta á tónleika í vætunni.

Það er mjög gott á fá þessa rigningu núna fyrir gróðurinn. Ég man hvernig þetta var í fyrra: það kom ekki dropi úr lofti fyrir en seint í júlí 2009: og þá var það ekki einu sinni rigning eins og við þekkum hana, bara smá skúr. Í rauninni ekki skúr: bara smá úði, sem kom ekki í veg fyrir að garðeigendur þurftru að beita vatnsslöngunum áfram á garðana næstu daga á eftir. 

Fyrirsögn fréttarinnar "Hljómlist undir regnhlífum" er ákveðin tónlist í sjálfri sér. Ef við viljum lita þannig á málin.

Hljómlist undir regnhlífum

Hverrar trúar eru konurnar?

Mikil áhersla er lögð á í fréttinni um "amfetamínmálið" hvers lenskar konunar eru: önnur er frá Rússlandi en hin frá Kasakstan.  En báðar frá Þýskalandi; sem sagt með "þýskan ríkisborgararétt."

Þessi frétt er nákvæm og leggur greinilega áherslu á uppruna þeirra sem eiga í hlut eiga.

En hér vantar greinilega mikilvægan þátt inn í fréttina: hverrar trúar eru þessar konur? Ef þær eru trúaðar og/eða trúa á eitthvað yfirhöfuð?

Ég man ekki eftir, eftir að hafa lesið fréttir á mbl.is að ef einhver Íslendingur hafi verið handsamaður fyrir eitthvað, að blaðamaður hafi farið að kafa ofaní ættfræði viðkomandi; hvaðan hann er upprunninn o.s.frv. 

En þegar aðilar af erlendum uppruna verða uppvísir að glæpum, sem þeir gætu hugsanlega orðið dæmdir fyrir, þá veltur blaðamaðurinn sér upp úr frá hvaða landi viðkomandi er, af því þetta er útlendingur. Ég get ekki túlkað þetta á annan hátt en einhvers konar útledndingahatur (man ekki hvað þetta heitir á íslensku), en er kallað að mig minnir á ensku "discrimination."

Ef blaðamaður er að fjalla um þjóðerni, og/eða ekki þjóðerni, þá ætti honum ekki að vera skotaskuld í því að nefna trúarmál viðkoandi kvenna í leiðinni. Því að lesandinn hefur ekki bara áhuga á því að vita um þjóðerni, heldur líka trú, fyrir utan allt annað. 

Rússi og Kasakstani í amfetamínmálinu - ekki Litháar