Ísland er lýðveldi ...

Já, "Íslandi er lýðveldi með þingbundinni stjórn."

Svo hljóðar fyrsta grein Stjórnarskrár Íslands, en það eru kannski ekki margir Íslendingar sem hafa lesið stjórnarskrána og séð hana berum augum. En nálgast má stjórnarskrána hjá Dómsmálaráðuneytinu og jafnvel víðar. Þetta plagg fæst frítt, þar sem það liggur frammi.

Frakkar kunna þetta ... þ.e. að mótmæla.

Ef einhverjir kunna að mótmæla stjórnvöldum almennilega, þá eru það Frakkar. Mér er alltaf minnisstæð mótmæli bænda snemma á 8. áratugnum: þeir mættu í tugum og helltu úr mjólkurbrúsum sínum á stræti stórborgarinnar, París. 

Hef sjálf upplfað að taka þátt í göngu í París til að þrýsta á stjórnvöld til að liðka fyrir ákveðnum innflytjendahóp. Veit ekki hvort Sígaunarnir hafi farið í slíka þrýstigöngu nýlega. En núna er verið að hrekja þá úr landi. Það eru fleiri Evrópuþjóðir sem hafa farið slíka leið í gegnum tíðina. T.d. Þýskaland sem reyndir að hrekja ákveðna Afríkubúa úr landi fyrir um áratug.

Held að öll Evrópa sé á villigötum varðandi innflytjendamál.

Það þarf að koma þessum málum á hreint í Evrópu. - En þetta er auðvitað óskylt málefni bloggsins varðandi mótmæli Frakka vegna eftirlaunastefnu Sarkósís & co.

Óþefur yfir Marseille

Fáðu þér bara alvöru vinnu og farðu að moka skurði ,,, Ásbjörn.

Það er ekkert gagn af alþingismanninum Ásbirni sem er að setja sig á stall ... en hann sendir listamönnum tóninn í dag og segir þeim að finna sér alvöru vinnu. Hann ætti að líta í eigin barm.Hvaða gagn hefur þessi aðili gert á Alþingi? Var (er er líklega ennþá) með rekstur og þóttist ekki hafa neitt vit á þessu eins og frægt er orðið. Við þurfum ekki á slíkum Alþingismönnum að halda. Alvöru listamenn stunda sitt starf af köllun og sinna því með natni. Það sama á við alvöru alþingismenn. Alvöru alþingismenn gera ekki lítið úr þeim sem hafa hugsanlega kosið hann til að fara með stjórn landsmála. Eða hvað?

Hver hefur kosið þetta yfir sig?

Þingmaður rembist eins og rjúpa upp við staur ... og horfir bara til himns ...

Einar Kristinn Guðfinnsson semur fyrirsögn í bloggi sínu sem hljómar svo: "Ákærurnar eru fáránlegar."

Bíðið aðeins við: hvaða ákærur?

Mig grunar að þingmaðurinn sé að vísa í að hugsanlega verði einhverjir ráðherrar, sem voru/eru líka ennþá þingmenn, verði hugsanlega ákærðir vegna vanrækslu í starfi. Það hefur enginn verið ákærður ennþá, þannig að yfirskrift bloggs Einars er fáránlegt. 

Ef þessi þingmaður heldur að hann sé eitthvað númer og heldur að geti haft einhver áhrif á að samstarfsmenn hans verði ekki ákærðir, þá er það hans mál.  

En téður þingmaður virðist vera mjög svo sannfærður um að einhverjir ákveðnir þingmenn verði ákærðir, þar sem hann segir: "Ég er alveg sannfærður um að þær ákærur sem nú er verið að leggja fram eru rangar ..." 

Þessi Einar Kr. G. virðist vera skíthræddur. Veit hann kannski eitthvað meira en við? Er það þá í burðarliðnum (eða pípunum eins og sagt er) að það sé verið nú þegar að leggja drög að ákærum á hendur ákveðnum aðilum á lögfræðistofum hér úti í bæ, eða hvað?'

Ég get ekki lesið annað í orð bloggarans en þetta. Hann virðist vita ýmislegt.

 

Bloggarinn aðhyllist eftiráspeki. Góð tilraun til nýyrðasmíði. Hingað til hefur þetta kallast að vera vitur eftir á.  Það vita flestir heilvita Íslendingar, að ráðherrar sem voru við völd á árinu 2008 stungu viðvörunarskýslu undir stól/hundsuðu hana og flutu sofandi að feiðarósi.

 

Það er alveg rétt hjá bloggaranum að "stjórnvöld hefðu getað staðið sig betur" en þau gerðu það ekki. Ríkisstjórnin var meira og minna passív. Lykilráðherrar hlustuðu ekki á nein varnaðarorð sem komu utanfrá. Utanríkisráðherranum var mest í mun að tryggja sér sæti í einhverju öryggisráði, eða hvað þetta nú heitir.

Ráðherrar ríkisstjórnar sem voru við völd árið 2008 voru sljóir og lögðu sig á engan hátt fram í þágu lands og lýðs. Þetta verður alltaf ríkisstjórn í huga okkar landsmanna þar sem einstaklingar hennar voru á einkaflippi. 

Ríkisstjórnin aðhafðist ekki neinn skapaðan hlut, þrátt fyrir ýmis viðvörunarljós varðandi banka- og fjármálakerfið.

Mikilvægt er að dusta rykið af skýrslunni sem var stungið undir stól, varðandi stöðu bankanna, þ.e. skýrslunni sem stjórnsýslan fékk í hendur fyrri hluta árs 2008. Hef því miður ekki heimildir til að vitna nánar í skýrsluna og man ekki hvaðan hún kom, en minnir að hún hafi verið frá Bretlandi.

En téður bloggari, Einar Kr. Guðfinns, bloggar samt um hið gagnstæða:

"En að halda því fram að þeir ráðherrar sem stöðugt reyndu að bregðast við hinum hrikalegu vandamálum á árinu 2008 og lögðu þar nótt við dag langtímum saman séu nú orðnir sekir er fáránleg vitleysa, stenst enga skoðun og væri hent út af borðinu á fyrsta degi í íslenskum sakamálarétti." 

Við munum spyrja að leikslokum. Almenningur í þessu landi á eftir segja sína skoðun með rödinni eða hvers kyns búsáhöldum.

 

 

 

 

Miskunnsami Samherjinn að verki

Áhugavert að lesa svona frétt af landa okkar sem lenti í þessu lestarslysi í Svíþjóð.

Því þarna reyndi á hin svokölluðu óskrifuðu lög miskunnsama Samverjans, sem felast í því að ef læknir eða sjúkraliði lendir í aðstæðum þar sem reynir á kunnáttu hans eða hennar, að þá liggur viðkomandi ekki á liði sínu.

Sem betur fer slösuðust ekki margir lífshættulega, fyrir utan einn aðila og hugur minn er hjá honum og óska ég honum góðs bata. 

Svona lestarslys geta verið hræðileg, en sem betur fer í þessu tilfelli fengu farþegar að njóta þjónustu miskunnsama Samverjans.

Ég reyni sjálf að leika þetta hlutverk úti í þjóðfélaginu, þó ekki sem Samverjinn (enda ekki læknir), en bara það að geta hjálpað gömlum konum inn og út úr strætisvögnum, það er vonandi betra en ekki neitt.

„Hálfgerð sprenging"

Enginn virðist hafa skýringu á rafmagnstruflunum.

Þetta er orðið svolítið grunsamlegt. Og tímasetningin líka: nú er farið að dimma á kvöldin.

Og ef rafmagnsbilanir ættu sér eðlilgegar skýringar, vegna orkufrekra álvera og verksmiðja, afhverju komu þá ekki rafmagnstruflanir fram fyrr en nú? Af hverju á þessu ári, frekar en í fyrra eða hitteðfyrra?

Við skulum spyrja að leikslokum og sjá hverju fram vindur. Þ.e. hvort frekari truflanir verða eftir tvær vikur eða tvo mánuði eða svo. En þessar bilanir sem hafa verið undanfarið, eiga sér engan líka á landsvísu.

Víðtækar rafmagnstruflanir

Stelpan ótrúlega sterkur persónuleiki að hafa lifað þetta af ...

... en mér varð hugsað til hennar fyrr í dag, þar sem skrifað var um væntanlega ævisögu hennar í Fréttablaðinu í morgun. Já, það sem mér varð umhugað um, var að henni var rænt þegar hún var 10 ára. Á þeim aldri er lítil stúlka farin að  móta eigin skoðanir og er jafnvel eigin sjálfsímynd. Kannski varð það henni til lífs. Ef svona maður eins og Prikkópíl hefði rænt stúlku á aldrinum 5 til 9 ára, hefðum við kannski ennþá getað spurt að leikslokum.

Það er meira en nóg fyrir stúlku eins og Natascha að þurfa að segja frá lífi sínu með og í prísund Prokkópílsins, þó að hún sé ekki tilbúin til að greina frá öllu í smáatriðum. Kannski hafa engin smáatriði verið þarna á ferðinni: kannski nægði það Prikkópílnum að hafa hjá sér "litla dúkku" til að hjúfra sig uppvið á kvöldin. Þó að maður ræni stúlkubarni á götu úti, höfum við enga sönnun fyrir því að kynferðislegt ofbeldi liggi þar að baki. Natascha segir að hann hafi barið hana með ýmsum tólum. Það flokkast sem líkamlegt ofbeldi. Ef einhverjar aðrar annarlegar hvatir hafa verið í gangi hjá Prikkópílnum, þá verður það bara að koma í ljós hvort stúlkan hefur þörf fyrri að greina frá því. En málið er að þegar stúlkur verða fyrir kynferðislegu ofbeldi, að þá bæla þær það með sér, jafnvel árum saman. En það getur enginn lifað við slíkt til eilífðar.

Natascha Kampusch las upp úr bók sinni

Christchurch - í Guðanna bænum - blaðamaðurinn upplýsi okkur hvar ...

... Christchurch er staðsett á landakortinu. Ég er ekki vel að mér í landafræði. En ég er að lesa í fréttinni um Íslendinga sem hafa lent í stórum skjálfta. En hvar? Í hvaða landi?

Hamstra matvörur

Rafmagnsbilun minnir á þegar fljúgandi furðuhlutir eru á ferðinni ...

... en ég man eftir frásögn sem ég las af flugvél sem var á ferð, að hún varð fyrir "shock wave" en vélin komst sem betur fer af frá þessu atviki.

Ég nefni þetta hér, þar sem sagt er í frétinni að "tvö töluvert mikil högg komu á raforkudreifikerfið. Ekki er vitað hvað olli þeim, en orsakarinnar er leitað." En í dag er ég hlustaði á frættir í útvarpi, voru þessi högg ekki nefnd. Bara að einhver rofi hafi bilað og það væri vegna mikils álags.

Hverju á maður að trúa?

Af hverju gerist það núna, að rafmagn fer af stóru svæði á Austfjörðum, og í sama mund, verða rafmagnstruflanir hér í Reykjavík? Mér finnst það undarlegt.

Allir aftur komnir með rafmagn

Lampaljósið blikkaði hjá mér í gærkvöldi ...

... ég hélt að sparperan í lampanum væri að fara að springa. Sem hún gerði ekki. Lá uppi í rúmi að lesa, enda komin með haustkvefið og nennti ekki að gera neitt annað. Það að pera blikki hjá manni er sjadgæft. En rafmagnið fór ekki af, en ég er staðsett í Reykjavík.

En skv. fréttinni hér á mbl.is fór rafmagn víða af á Austurlandi. Bæði á Austfjörðum til Hafnar í Hornafirði.

Nú er það svo, að þegar rafmagn fer af á stóru landssvæði, og truflast eins og það gerðist hér í Rvík. í gærkvöldi, þá liggur mikið við. Þekkt fyrirbrigði í sögunni hafa oft haft með UFO, eða fljúgandi diska að gera, sem hafa slegið út rafmagni og trufla áttavita í flugvélum sem verða á vegi þeirra.

Í fréttum í morgun heyrði ég í útvarpi að orkustöðvar hér hefðu orðið fyrir höggi, en ekki væri vitað hvað olli þessari rafmagnstruflun.

Síðar í dag voru fréttir á þá leið, að rafmagn hefði dottið út vegna of mikils álagi. Man ekki nákvæmlega orðalagið í fréttinni.

En það sem mér finnst áhugavert, er að þessa dagana eru það Bandaríkjamenn sem sjá um loftferðaeftirlit hér á landi, þannig að líklegt er að mikil loftferðaumferð hafi verið hér s.l. daga.

En fljúgandi og framandi furðuhlutir hafa sérstakan áhuga á slíku, og hafa fylgst með ákveðnum svæðum í Bandaríkjunum gegnum tíðina, og oft fylgt eftir flugvélum, bæði frá hernum og öðrum.

Þess vegna þykir mér þessi tímasetning á þessari rafmagnsbilun sérstaklega áhugaverð í ljósi þessa.

En málið er að bandaríska varnarmálaráðuneytið og bandaríski flugherinn hafa haldið upplýsingum leyndum sem hafa með að gera atvik sem má rekja til svokallaðra fljúgandi furðuhluta.

Fyrr á árinu átti ég tal við 2 eldri konur, og eldri karlmann, öll í sitt hvoru lagi. Höfðu þau áhuga á fyrirbrigðinu UFO, en voru hrædd við að tala um þetta, af ótta við að vera stimpluð "skrýtin" eða "ga ga." Ég sagði þeim að hafa ekki áhyggjur, enda hefði ég sjálf áhuga á þessu málefni og væri einmitt að lesa rannsóknir tengdar UFO. 

Þau lifnuðu öll við, og báðu mig endilega að þýða þetta efni á íslensku, sem ég var að lesa.

En eins og ég hef sagt: það er ekki allt sem sýnist þegar rafmagnslaust veður á víðáttu miklu svæði á einu bretti.

Ég man eftir að mér var sagt frá, fyrir mögrum árum, að á 9. áratugnum hefði nánast allt Kuwait orðið rafmagnslaust. Orsökin var UFO. 

 

Rafmagnslaust víða fyrir austan