Lögreglan bæði keyrir bifreið og eltir hana í sömu andránni!

Hvernig er þetta hægt? Jú, þetta er hægt á prenti. En í frétt mbl segir að "Lögreglan á höfuðborgarsvlðinu keyrði bifreið sem þeir eltu út af Víkurvegi í Grafarvogi eftir æsilega eftirför."

Jú, allt er hægt á prenti, þó að við þikjumst vita að orðið "á" vanti í textann í fréttinni. Sömuleiðis ætti að standa "bifreið sem hún elti ..." þ.e. lögreglan. Það er allt of mikið af svona flausturslegum vinnubrögðum við vinnslu frétta á mbl.is- minnist þess ekki að hafa séð svona vinnubrögð á bbc.co.uk og bt.dk - Virtur íslenskur fréttavefur eins og mbl verður að fara að taka sig á.

Bíllinn þvingaður út af veginum

Athugasemdir

[Dagbjartur Gunnar Lúðvíksson (IP-tala skráð) 6.4.2009 kl. 21:55]

Orðið „á“ passar ekki inní textann þar sem lögreglan getur ekki -keyrt á bíl út af vegi-.

Blaðamaður á væntanlega við að lögreglan hafi þröngvað hinum bílnum af veginum.
Að nota sögnina „að keyra“ í þessu samhengi virðist fengið úr enskunni -to drive someone off the road- en þykir ekki ýkja fallegt.

[Símon (IP-tala skráð) 6.4.2009 kl. 21:56]

Tek undir þetta. Allt of illa máli farnir oftar en ekki.

[Ingibjörg Magnúsdóttir, 6.4.2009 kl. 22:19]

Dagbjartur, þetta er líklega rétt hjá þér, en kannski voru þeir að þröngva bílnum útaf veginum í sama mund og þeir voru komnir á hann? En það er líka hægt að leggja annan skilning í fréttina, sem ég ætla að blogga í gamni, nema blaðamaðurinn sé búinn að leiðrétta sig og greina nákvæmar frá atburðarrásinni.

[Ingibjörg Magnúsdóttir, 6.4.2009 kl. 22:25]

Já, Dabgjartur, það var búið að laga textann í fréttinni þegar ég kíkti og nú er orðið "þvöngvað" notað. Örugglega þökk sé þér! En það sem mér datt í hug við nánari skoðun á upprunalegu fréttinni var að stafinn v vantaði bara í fréttina, þannig að setningin hefði reyndar átt að hljóða svo: "Lögreglan á höfuðborgarsvlðinu keyrði bifreið sem þeir veltu út af Víkurvegi í Grafarvogi eftir æsilega eftirför."

[Hlédís, 6.4.2009 kl. 22:29]

Þröngva/þrýsta, o s frv, út af veginum - er "rétta" orðfærið!  En  - hvað var löggan að gera?   NENNI ekki að segja nokkurn skapaðan hlut - eftir öll þau skipti sem löggæsla og slökkvilið hafa valdið slysum með brussugangi sínum.