Var byssustrákurinn einhvern tíma á þessum leikskóla?

Í ljósi frétta af meintum byssuvargi í Smáíbúðahverfinu er kominn tími til að

setja á laggirnar hertari reglugerð varðandi skotvopnaeign.

 

Lögreglan hér á landi gengur t.d. ekki dags daglega um vopnuð.

Guði sé lof fyrir það. - Ef stjórnvöld (lesist = Björn Bjarnason) gera ekkert í

málinu, getum við átt von á óargaöld hér á landi hvað varðar skotvopn

og nokun þeirra.

 

Vil minna á morðmálið á Selfossi árið 2004 eða 2005.

Krakki komst yfir byssu föður síns og varð vini að bana.

Þetta flokkast líklega ekki sem 'morðmál' heldur 'voðaskot'

í hugum einhverra. En hvernig skyldi aðstendendum dregnsins

sem varð fyrir þessu voðaskoti líða í dag??

Og hvað var gert í því máli? Ef eitthvað var gert.

Þetta mál var í fréttum á sínum tíma og síðan ekki söguna meir!

Missti sá maður byssuleyfið? Voru vopn hans gerð upptæk?

Voru reglur hertar um byssueign og geymslufyrirkomulag

eftir þennan harmleik? Mjög líklega ekki! A.m.k. man ég ekki

eftir fréttum af slíkum aðgerðum í kjölfar þessa harmleiks.

Mikilvægt er að semja reglugerð um þá sem hafa leyfi fyrir skotvopnum, 

og ef fjölskyldumeðlimir eða aðrir komast yfir þessi skotvopn,

að þá missi viðkomandi skotvopnaleyfið. Einfaldlega og engar refjar.

En af hverju þarf fyrrverandi lögreglumaður á leyfi að halda

fyrir marghleypu sem svo sonur hans tekur ófrjálsri hendi

og skýtur á, af öllu, leikskóla?

 

Þarf að rannsaka eitthvað hér? Var þessi drengur í þessum leikskóla á sínum tíma?

Var drengurinn að ná sér niðri á veru sinni á leikskólanum, eða hvað?

Þetta er mjög alvarlegt mál. Af hverju skaut hann ekki úr byssunni á fleiri staði?

Hann virtist bara hafa skotið á leikskólann.

Þeir sem eiga skotvopn, eiga ekki að bjóða upp á það að almenningi stafi hætta af þeim.
Ef einstaklingur getur ekki átt byssu án þess að einhverjir vitleysingar veifi þeim um í
hverfum borgarinnar, svo ekki sé nefnt að verið sé að skjóta á leikskóla, á sá hinn sami
að missa byssuleyfið tafarlaust og öll skotvopn viðkomandi verði gerð upptæk.

T.d. þegar var verið að rannsaka morðið á leigubílstjóranum Gunnari Tryggvasyni, þá
hafði sonur grunaðs morðinga, ásamt vini, verið á fullu að prófa að skjóta úr byssu grunaðs,

eftir að hafa nappað byssu og skotum frá þessum grunaða föður.

Þeir vinirnir voru sem betur fer ekkert að beina byssu að borgurum Reykjavíkur, en voru að
prófa byssu á víðavangi. En það er engin afsökun.

Byssur á glámbekk eru alltaf vísun á harmleik

Mikilvægt er að herða reglur um byssuleyfi og byssueign. Ef ekkert veður að gert, eigum við
óöld yfir hausnum á okkur. Skora á Björn Bjarnason dómsmálaráðherra að keyra

nýja og herta reglugerð um skotvopnaeign í gegnum þingið!!!

 

Við erum lítið land og fámenn á við mörg önnur Evrópulönd og eigum að geta

haft hemil á byssum, byssueign og þar af leiðandi einstaklingum sem

dúkka upp hér af og til upp úr 'skotgröfunum.'

Skaut úr skammbyssunni

Athugasemdir

[Ingólfur Þór Guðmundsson, 6.1.2009 kl. 01:53]

og okkur hefur tekist ágætlega til í þessum efnum.

[Eysteinn Eysteinsson (IP-tala skráð) 6.1.2009 kl. 02:02]

Þetta ýtir undir skoðun mína að það hefur ekkert uppá sig að hafa vopnaða lögreglu, því auðvitað var faðir drengsins fyrrv sérsveitar lögreglumaður.

[Ásgrímur Hartmannsson, 6.1.2009 kl. 04:31]

Hey, í USA týnir lögreglan á hverju ári mörg hundruð byssum.  Bara FBI týnir að jafnaði 150 á ári.  (eða var það 250?)  Ég hef ekki heryt neinar tölur um hve mörgum vopnum herir allra landa týna á hverju ári.

Og krakkar komast í allt.  Sama hvað þú reynir að fela hvað sem það er, ef krakkinn þinn hefur áhuga á að komast í það, þá kemst hann í það, alveg burtséð frá öllum reglum.

Og það þarf ekkert að herða þessar reglur neitt.  Við erum nú þegar með ströngustu reglur um þetta utan Bretlands - og þar er allt að fara í hund og kött beinlínis út af þeim reglum.

[Hildur Helga Sigurðardóttir, 14.1.2009 kl. 08:25]

Þetta var nákvæmlega það fyrsta sem mér datt í hug Ingibjörg.   Annars velkomin í bloggheima...

[Ingibjörg Magnúsdóttir, 16.1.2009 kl. 22:55]

Takk fyrir stuðninginn Hildur Helga og takk fyrir jólakveðjuna! :)