Gengur Gnarrinn með?

Já, það er nú spurning hvort Jón Gnarr á nú von á sér. En skv. fréttinni hér á mbl.is fá landsmenn að vita það á 365 miðlum, föstudag.

Og það verður fróðlegt að frétta á næstunni hvort fleiri landsmenn eiga von á sér.

Í mínum huga ganga ýmsir með forsetann í maganum, eru jafnvel óléttir, þó að þeir taki aldrei skrefið með að tilkynna um óléttuna.

Jón Gnarr er „til alls vís“

Athugasemdir

[Jón Valur Jensson, 15.1.2016 kl. 03:56]

Kiljan talaði einhvern tímann um, að sumir andmælendur hans gengju með steinbarn í maganum.

Er það ekki alveg borin von hjá Gnarri, að hann geti orðið forseti?! Sú hugmynd virðist þó orðin að steinbarni í maganum á honum.

Ef menn vilja í alvöru grínara á forsetastól, held ég að Ari Eldjárn yrði mun skemmtilegri, en beztur líkast til hann Jóhannes eftirherma af Ingjaldssandi, hann gæti þá leikið hlutverk allra ráðherranna, kannski kominn tími til að hann leysi þá alla af.

[Ingibjörg Magnúsdóttir, 16.1.2016 kl. 00:38]

Sæll Jón Valur, er viss um að Jón Gnarr fengi mörg atkvæði í forsetakosningum. Í alvöru talað, held að þjóðin almennt vilji ekki grínara í embættið. Vonandi stígur einhver frambjóðandi fram sem meirihluti þjóðarinnar getur sætt sig við.