Ekki fyrsta slysið í kvöld - Stærstu gatnamót borgarinnar stórhættuleg

Vonandi slasaðist vegfarandinn ekki alvarlega. En ég varð vitni að öðru slysi á sömu gatnamótum rúm lega 18.30 í dag. Gangandi vegfarandi varð fyrir bíl sem var að aka yfir á Kringlumýrarbraut á beygjuljósi frá Hringbraut. Ég beið í bíl á rauðu ljósi og vegfarandinn var að ganga í sömu átt. Mig grunar að viðkomandi hafi gengið út á götuna á rauðu gönguljósi.

Sem betur fer stóð hún upp eftir að hafa lent á bílnum, en að lenda í svona slysi getur haft slæmar afleiðingar, fyrir bæði vegfarandann og bílstjórann. Fólk fær áfall og einnig þeir sem verða vitni að atburðinum.

Mér finnst alltaf óhugnalegt að vera gangangi vegfarandi á stórum gatnamótum, t.d. Grensásvegur/Hringbraut, en ég hef ekki notað Hringbraut/Kringlumýrarbraut. Fólk þarf að fara mjög varlega og alls ekki undir nokkrum kringumstæðum fara yfir gangbraut á rauðu ljósi.

Kv. Inga

P.S. Fyrir nokkrum árum fór ég gangandi úr miðbænum heim til mín á degi sem fólk var hvatt til að skilja bílinn eftir heima. Ég átti fótum mínum fjör að launa á gönguljósi á gatnamótum Laugavegar/Nóatúns. Það var grænt fyrir þann gangandi, en bíll sem tók beygju uppúr Nóatúni og inn á Laugaveg austur tók ekki tillit til að sá gangandi ætti réttinn. Það sem bjargaði mér var að ég var vel á verði. Enda kunnug svínurum í umferðinni gagnvart gangandi.

Og ég ætla að skrifa aðeins meira um umferðarmenningu hér í borginni, nokkuð sem hefur hvílt á mér um tíma, við fyrsta tækifæri.

Miklabraut lokuð vegna slyss

Athugasemdir

[Danni (IP-tala skráð) 2.12.2010 kl. 12:43]

Ohh, ég þoli ekki þessar götur þar sem bílarnir geta beygt inn á mann við að ganga yfir. Ég fer oft yfir á rauðu á þessum götum; ég nota tímann þar sem er á rauðu hjá báðum. Þessi tími er stundum jafnlangur - eða lengri - en græni kallinn varir.

Og það er sér kafli að vera á hjóli. Bílarnir bölva manni fyrir að hjóla á götunum og gangandi vegfarendur nöldra yfir því að maður sé á gangstéttunum. Ég held að það séu fáir jafn fyrirlitnir í þessu þjóðfélagi og þeir sem að hjóla.

Enda áttu helst að vera á bíl. Jeppa þar að auki. Þrátt fyrir að vera ein á ferð og bara að spæna upp malbik.

[Ingibjörg Magnúsdóttir, 3.12.2010 kl. 22:28]

Já, það er stórhættulegt að ganga yfir á grænu ljósi, þar sem ökutækið má taka beygju á saa tíma. Betra að nota göngubrýr, þar sem þær eru fyrir hendi, eða ganga/hjóla yfir göngubraut þegar allt er autt (burt séð frá ljósi).

Ég hef einnig hjólað, en hef haldið mig aðallega á gangstéttum. Danir eru klárari en Íslendingar í þessum málum (og þar af leiðandi mörgum fleiri), en þeir gera ráð fyrir hjólabrautur út um allt, meðfram ógrösuðum langsléttum blikkbeljanna.