Á ríkið að vera að styrkja einkaskóla? Getur þetta ekki staðið undir sér?

Ég bara spyr. Það virðist kosta ríkið, fyrir utan að greiða niður skólagjöld í svona einkaskóka, umtalsvert fjármagn þegar að Ríkisendurskoðun þarf að gera sérstaka úttekt á rekstrinum.

Þetta er allt á kostnað okkar skattborgara. 

Væri ekki hægt að lækka skatta og önnur útgjöld sem lenda á okkur skattborgurum, með því að ríkið léti svona einkaapparöt sigla sinn sjó, og láta þá sjá um sig sjálfa.

Svona 'fínir' skólar eiga bara að rukka inn sanngjörn skólagjöld fyrir þá sem hafa efni á að greiða fyrir "hraðbraut" - enda eru örugglega nógu margir hér í þjóðfélaginu sem hafa efni á "hraðbraut" fyrir sína nemendur. 

Ég er ekki vafa um að margir samlandar mínir séu sammála um að við hættum að greiða niður skólagjöld einkaskóla, þar sem aðeins nokkrir nemendur stunda nám með hraði, en það er aðeins lítil prósenta nemenda sem geta gert þetta. Við hin, eða foreldrar nemenda almennt, getum bara sent okkar börn í almenna menntaskóla.

Legg til að þeir sem eru "hraðvirkir" í námi, borgi alfarið sjálfir fyrir styttra nám á framhaldsskólastigi.

Við sem borgum skatta og lánum ríkinu, erum kannski alveg tilbúin að fjármagna einkaskóla, og sérstaklega ekki ef þeir reynast eitthvað grunsamlegir og þurfa að enda undir smáfjá ríkisendurskoðnar. - En auðvitað eiga allir ríkisskólar að vera undir smásjá ríkisendurskoðunar. En þessi virta stofnun hefur reynst heldur máttlítil í gegnum tíðina; hver man ekki eftir Símamálinu með Símabókarann, bróður hans Kristján Ra og prestssoninn sem mergsugu Símann á sínum tíma. Og stjórn Símans fattaði heldur ekki neitt. 

 

Ríkisendurskoðun gerir úttekt á Hraðbraut

Athugasemdir

[Guðmundur Ingi Kristinsson (IP-tala skráð) 29.6.2010 kl. 01:08]

Sammála en samkvæmt EFTA(EBE) er bannað að mismuna rekstarformum. Samt þætti mér vænt um að  líka væri tekin úttekt á svo sem einum ríkisreknum skóla sem kostar okkur skattgreiðendu sömu upphæð á hvern nemena bara svona til viðmiðs.

[Bibba (IP-tala skráð) 29.6.2010 kl. 14:44]

Fyrirgefðu kæra Ingibjörg en hefuru heyrt talað um jafnrétti til náms, finnst þér virkilega réttlátt að afburðargreindur nemandi, sem er fljót/ur að læra og hefur mikið metnað til að ná langt, (getum meiri segja gengið svo langt að segja 4 ára nám örvi nemandan ekki nóg og þá á hann á hættu að flosna uppúr námi), en sá hinn sami nemandi hefur ekki bakland til að stunda nám við skóla eins og Hraðbraut, sem án ríkisstyrkingu myndi kosta að lágmarki milljón önnin, að sagt yrði við þann nemanda "úps sorry þetta er skóli ríkukrakkana, farð þú bara í skóla fyrir almúgann". ?

Ef hugmynd þín um að hætta styrkja einkreknaskóla yrði að veruleika, þá myndi það sama gerast og er að gerast á svo mörgum örðum stöðum í heiminum þar sem ríki styrkja ekki háskóla, að bestu skólarnir eru ekki lengur að taka fólk inn á verðleikum heldur samkvæmt auði og getu til að styrkja skólann.

Einkareknum skólarnir eru alltaf með hærri skólagjöld en hinir "almennu" skólarnir þó svo þeir séu ríkisstyrktir, en það sýnir sig líka að aðstaðan í þessum skólum er miklu betri, þessir skólar veita líka kærkomna fjölbreytni inn í skólakerfið. Og ef við tölum um árángur þá voru 3 af þeim 5 skólum þar sem nemendur voru hvað ánægðastir með undirbúning fyrir háskólanám, einkareknir.

[Ingibjörg Magnúsdóttir, 1.7.2010 kl. 23:40]

Sammála þér Guðmundur Ingi um að úttektir eigi að gera á ríkisreknum skólum. Slíkt á að vera í lögum. Líklega er það staðreynd. En ríkisendurskoðun hefur ekki bolmagn (starfskrafta né fé) til að gera slíkt. Heilu stofnanirnar hafa verið nánast rændar að innan, án þess að ríkisendurskoðun fattaði neitt: sbr. stuldurinn á fjármagni Símans hér um árið (Kristján Ra með bróður sinn, bókarann hjá Símanum í fararbroddi, fyrir utan fleiri sem fengu dóm á sig í þessu sóða máli).