Mannskæðasta flugslys í sögu Air France, ef satt er, ...

Mér finnst að forsvarsmenn Air France hafi farið fram úr sér í gær, er þeir töldu hvarf vélarinnar "flugslys" án þess að vita nokkuð um afdrif vélar sinnar sem hreinlega hvarf, án þess að gefa frá sér neyðarkall.

Er vit í því að nefna hvarf vélar "flugslys" án þess að vita nokkurn skapaðan hlut um hvað varð af vélinni og af hverju hún hvarf af ratsjám án þess að gefa frá sér neyðarkall? Engar haldbærar staðreyndir fást upp á borðið fyrr en að flugriti vélarinnar finnst, þ.e. hinn svokallaði "svarti kassi" sem hefur að geyma afrit af samskiptum flugstjórnarmanna síðustu mínútur vélarinnar á flugi (líklega hálftíma upptaka eða meira).

Síðan er haft eftir í fréttum eftir Air France, að þetta sé 'versta flugslys' í sögu flugfélagsins. Vonandi er Air France öruggt félag, og er líklega ekki óöruggara en önnur flugfélög af svipaðri stærðargráðu og gæðum/öryggi.

En það setur að mér einhverja ónotatilfinningu eftir að lesa og hlusta á fréttir af hvarfi þessarar flugvélar.  Vegna þess að í gegnum tíðina hef ég tekið eftir að þær fréttir sem berast hingað til lands af meiriháttar flugslysum og óhöppum, gerast grunsamlega oft þegar Airbus vélar eiga í hlut.

Fyrir nokkrum misserum horfði ég á fræðsluþætti um prufukeyrslu á einhverri mega-stórri Airbus-vél,  sem framleiðandinn var að reyna að selja flugfélögum, eins og gengur og gerist. Eftir að hafa horft á þessa þætti hugsaði ég með mér, að mér þætti þessi risaþota ekki mjög svo traustvekjandi.

Mikill er missir aðstandenda þeirra sem voru um borð í þessari Airbusvél. Og þó að Air France staðhæfi að þetta 'flugslys' sé hið mesta í sögu félagsins, gæti það gefið vísbendingu um að félagið sé kannski alveg á réttri hillu hvað varðar val á farartækjum. Er virkilega varhugavert að ferðast um í Airbus?

Fróðlegt væri fyrir hvern áhugamannn sem er, að bera saman flugslys/óhöpp milli flugvélategunda. Þetta er kannski aðgengilegt á netinu fyrir hvern sem er, þó að ég hafi ekki persónulega leitað þessar upplýsingar uppi. 

 

Brakið án efa úr týndu vélinni

Athugasemdir

[Einar (IP-tala skráð) 3.6.2009 kl. 00:18]

Bull og vitleysa. Googlaðu 'Airbus' til að byrja með áður en þú lætur frá þér svona rugl. Hér er umræðuþráður atvinnuflugmanna um slysið: http://www.pprune.org/rumours-news/375937-air-france-a330-200-missing.html

Airbus eru með öruggari farþegaþotum nútímans, ef ekki þær öruggustu. 

Kynntu þér málin áður en þú bloggar á þennan hátt. Þú ferð með meiriháttar staðreyndavillur í þessum texta þínum.

[kristinnh, 3.6.2009 kl. 00:26]

http://www.planecrashinfo.com/worst100.htm 100 mannskæðustu flugslysin, sýnist sirka helmingur vera Boeing, rest skiptist á önnur fyrirtæki.  Annars veit ég ekkert um hvaða flugvélar eru öruggar og hverjar ekki.

[Einar Steinsson, 3.6.2009 kl. 06:36]

Lang stæðstur hluti stórra farþegaþotna eru annaðhvort Boeing eða Airbus, þannig þegar slys eða óhöpp verða er lang líklegast að um sé að ræða aðra hvora tegundina, svo einfalt er það.

Eftir sem áður er flug með þessum stóru vélum öruggasti ferðamáti sem til er.

[Gunnar Þór (IP-tala skráð) 3.6.2009 kl. 08:47]

Hér er slóði þar sem hægt er að skoða statistics á flugvélum og flugfélögum.

http://www.airdisaster.com/statistics/

[Ingibjörg Magnúsdóttir, 4.6.2009 kl. 01:17]

Takk fyrir til ykkar Einar x2, Kristinn, Gunnar Þór, fyrir að benda mér á tölulegar skýrslur um vélar og félög!