Eitthvað mikið í aðsigi??

Frétti í gærkvöldi hér í netheimum að stjórnarráðið hefði verið upplýst allt kvöldið og menn hlaupandi þar út og inn með möppur og laptops. Og mikil fundahöld voru víst í Landsbankanum líka. Þessi heimildamaður segist þekkja einhverja sem þekkja til í stéttinni og segir allt benda til að eitthvað mikið sé í aðsigi.

 

Eru kannski einhver tengsl milli mikilla fundahalda í Landsbankanum og mikilla viðskipta með bréf bankans í Kauphöllinni í gær? En ég sá frétt á visir.is þar sem segir: “Það sem af er degi hafa viðskipti með hluti í Landsbankanum numið yfir 9 milljörðum króna. Þar voru ein stök viðskipti í morgun upp á 4,5 milljarða króna.” Og: “Viðskiptin í kauphöllinni með hluti í Landsbankanum voru þau mestu hjá einstöku félagi í Evrópu í dag.”

 

Manni dettur helst í hug að einhver kjölfestufjárfestir í Landsbankanum hafi verið að selja hlut sinn. Og þá til hvers? Af því að þeir vita eitthvað og þá kannski til að kaupa hluti í Glitni. Af tvennu illu fyrir Glitnismenn, og ríkið, er skárri kosturinn að Landsbankinn geri ‘fjandsamlega yfirtöku’ frekar en ríkið. Kannski hafa spunameistarar ríkis og Landsbanka verið að plotta í gærkvöldi um að það liti betur út ef Landsbankinn gerði Glitnismönnum tilboð sem þeir gætu ekki hafnað í stað þess að ríkið stæði í slíku, enda hefur slíkt fengið mjög slæmar viðtökur víða. En hver skyldi þá hafa keypt hlutinn í Lsb uppá 4,5 milljarða. Kannski bara ríkið sjálft!

Undanfarið hafa ríkisstjórnir víða verið með björgunarhringi á lofti til að bjarga efnahagslífinu á sínu svæði. En yfirleitt er það gert með löggjafarvaldinu. - Og svo verður Alþingi sett í dag!

 

Sameining Glitnis og Landsbanka ólíkleg

Athugasemdir

[Guðmundur Ásgeirsson, 1.10.2008 kl. 09:40]

Komum öll á Austurvöll eftir hádegi í dag, mætum þessum mönnum á þeirra heimavelli og sýnum þeim viljann í verki. Tonn af fiðri og þúsund lítra af tjöru takk!

[Ingibjörg Magnúsdóttir, 2.10.2008 kl. 02:31]

Í BNA á árum áður voru menn sem voru handbendi stjórnar ríkis tjargaðir og fiðraðir, þ.e. svok. marskálkar. En fyrst voru þeir gerðir naktir og þaðan af var hægt að tjarga þá og fiðra. - Þetta gerðist ekki við Austurvöll í dag, enda yfirmáta gamaldags aðferð, og engu skyri var slett, sem er orðin klisja. En mótmælaspjöld og frammíköll sem þið voruð með, virkuðu fínt!