Eru farsímaslys á við ölvunarakstur?

Mörg slys hafa orðið vegna framúraksturs á þjóðvegi 1. En mín reynsla er að bílstjórar eru oftast varkárir í framúrakstri á þesari leið, nú til dags.

Nú er greinilega ný vá í uppsiglingu: bílstjórar sem eru að aka og horfa á símann sinn í leiðinni.

Þetta gengur ekki.

Samt er á boðstólum handfrjáls búnaður. En það virðist ekki virka fyrir unga fólkið: ef það kíkir ekki á símann, heldur það, að það sé að missa af einhverju og einnig að það er svo áfjáð í að skoða hvort einhver hefur svarað því á Fésbók, að það getur ekki beðið eftir því að skoða þetta á næsta áfangastað.

Akstur einstaklings sem hefyr ánetjast snjallsíma má nánast líkja við einstakling sem hefur innbyrgt áfengi í ákveðnum mæli. Sá sem hefur neytt áfengis hefur minni viðbrögð við aðstæðum á vegi, enda sljórri en vanalega.

Farsímanotandinn horfir einfaldlega ekki á veginn framundann, enda eru augu hans á farsímanum, hugurinn hvorki við aksturinn né veginn framundan.

Veit ekki hvort er verra.

„Sé bíl koma fljúgandi á móti mér“