Gargandi kríjur á Lækjartorgi

Um síðustu helgi varð ég vör við töluvert af kríjum á Lækjartorgi. Man ekki eftir að hafa séð kríjur þarna áður, á þessum árstíma, jafnvel aldrei. En í frétt á mbl. segir Jóhann Óli, fuglafræðingur á Stokkseyri, að hann hafi orðið var við fyrstu kríjurnar fyrir um viku síðan á Stokkseyri.

Hugsanlega voru kríjurnar á Lækjartorgi nýkomnar til landsins, og kannski ekkert æti fyrir þær úti á Seltjarnarnesi, þar sem kríjur verpa vanalega. Líklega lítið um æti við ströndina þar.

En alls konar fuglar leita á Lækjartorg, enda hefur einhver hugulsamur hent brauði á steinblómabeð reglulega, og svo er alltaf alls konar afgangur frá fólki sem leytir skyndibita, t.d. pylsum og öðru í miðbænum. Og fuglar njóta góðs af þessu.

Krían um viku síðar á ferðinni en vanalega

Athugasemdir

[Hrólfur Þ Hraundal, 13.5.2015 kl. 07:46]

Mér þykir vænt um kríur alveg eins og konuna mína sem hatar kríur. En án árangurs hef ég bent henni elskunni minni á að Kríur vernda afkvæmi sín með alveg sömu grimmd og hún.     

[Hrólfur Þ Hraundal, 13.5.2015 kl. 07:58]

Það er ekki ýkjalangt síðan starrar komu hér, en nú eru þeir búnir að hrekja á brott þrestina og maríuerlur sem hér voru áður. Enda fara þeir í hópum og af éta þessa einfara, parfara.

Mávar og Starar eru vitni um menningarlegan sóðaskap byggðarlags.     

[Ingibjörg Magnúsdóttir, 14.5.2015 kl. 01:27]

Sæll Hrólfur, Kríjan er eins og hún er: lætur engan vaða að afkvæmum sínum án bardaga. En mér þykir miður að heyra þetta um starrana sem hafa hrakið aðra fugla burtu. En þetta er alltaf spurning um frumskógarlögmálið: sá sterkasti lifr.