Sárafáir í Bretlandi fá að skoða þetta skjal!

Værum við Íslendingar sáttir við að nokkrir útvaldir fengju að skoða sögulegt skjal sem tengdist stjórnarskrá landsins?

En Magna Carta er áhugavert og frægasta skjal í sögu stjórnarskrár Bretlands en til eru fjögur eintök af frumtritinu.

En hvað er þetta Magna Carta? Það felur í sér m.a. frelsi kirkjunnar og samfélaga almennt, þ.e. að konungurinn fékk minna vægi til að skipta sér af, t.d. að fara um héruð og innheimta skatt.

En það voru auðvitað barónar, yfirvöldin á hverjum stað fyrir sig, sem komu þessu á legg, (annað yfrvald sem vildi hafa töglin og haldirnar í sýslum). Sem sagt, barónar sem gerðu uppreisn árið 1215, og fengu John konung til að skrifa undir þetta skjal Magna Carta, en svo var það sonur hans Henry III, sem tók við af honum.

En skjalið sjálft er t.d. frægt fyrir að hafa komið í veg fyrir yfirdrifið vald konungs yfir samfélaginu. Það hefur líklega verið hvatinn að leggja grunninn að Bresku samfélagi eins og það er í dag.  

Sýna upprunaleg eintök Magna Carta

Athugasemdir

[Guðmundur Ásgeirsson, 3.2.2015 kl. 12:40]

Smá leiðrétting: Bretland hefur enga stjórnarskrá í sama skilningi og flest önnur ríki Evrópu. Stjórnskipun Bretlands byggist meira og minna á óskráðum reglum og venjum sem hafa orðið formfastar í áranna rás. Magna Carta er samningur en ekki lagabálkur. Þetta er samt vissulega mjög merkilegt skjal og þýðingarmikið fyrir breska stjórnskipan.

[Ingibjörg Magnúsdóttir, 3.2.2015 kl. 23:48]

Takk fyrir að benda á þetta, þ.e. að Bretland hafi ekki stjórnarskrá, þ.e. svona formlega. Ég hélt kannski að þetta fræga skjal væri grunnurinn að einhverskonar stjórnskipulagi, eða stjórnarskrá.

Og ég hef einmitt tekið eftir því, sérstaklega sem tengist þinginu hjá þeim, að þar er enn notast við aldagamlar hefðir og siði, bæði á þinginu sjálfu og þegar verið er að setja það.

En er það ekki nokkuð merkilegt, að Bretar hafi enga formlega stjórnarskrá?

[Guðmundur Ásgeirsson, 4.2.2015 kl. 00:01]

Jú það er mjög merkilegt og reyndar man ég aðeins eftir einu öðru ríki í heiminum sem ekki hefur stjórnarskrá og það er Saudi Arabía.

[Ingibjörg Magnúsdóttir, 5.2.2015 kl. 00:30]

Einmitt, og takk fyrir að benda á þetta. En ég hef núna í kvöld, einmitt verið kynna mér þessa svokölluðu bresku ´stjórnarskrá' sem er vissulega óformleg en byggist upp á ýmsum þáttum, þó að þetta sé ekki formleg stjórnarskrá.

Mér brá nú aðeins, eftir að þú sagðir mér að Bretar hefðu ekki formlega stjórnarskrá, en þessi svok. óformlega, byggist ekki bara á hefðum, eftir því sem ég hef lesið.

Er ekki bara kominn tími til að benda Bretum á að þeir þurfi að koma sér upp almennilegri stjórnarskrá? Hvernig er best að gera það? Kannski með því að skrifa innlegg á fréttir á BBC eða aðra miðla.