Hvað eru "dræmar kosningar" ??

Áhugavert að lesa tölfræði eldri forsetakosninga, og á fréttaritari hrós skilið fyrir þetta innlegg. Ég set spurningamerki við það sem hann skilgreinir sem "dræmar kosningar" þegar Vigdís bauð sig fram í annað skiptið þegar hún fékk mótframbjóðanda. Skv. fréttinni kusu 72% atkæðabærra manna í þessari forsetakosningu. Þetta er kannski dræmt, ef miðað er við að við ætlumst til að sem flestir kjósi í forsetakosningum.

En fróðlegt verður að fá upplýsingar um hver prósentan verður eftir næstu forsetakosningar, sem eru dagsettar laugardaginn 30. júní 2012.

Kjósa fleiri en 72% þeirra sem hafa kosningarétt núna, eða kjósa færri sem hafa þennan rétt?

Það verður fróðlegt að fá upplýsingar um tölfræði kosninganna að þeim loknum, í lok mánaðar.

Gegn forseta í þriðja sinn

Athugasemdir

[Axel Jóhann Hallgrímsson, 21.6.2012 kl. 01:36]

Fréttin segir að í kosningunum 2004 hafi Ólafur hlotið 37,9%,  Baldur 9,9%  og Ástþór 1,5%, sem gerir samtals 49,30%.  Þá hefur einhver huldumaður hlotið 51.7% atkvæða og ætti því að hafa talist réttkjörinn forseti!

[Axel Jóhann Hallgrímsson, 21.6.2012 kl. 01:38]

50.7% átti þetta að vera.

[Gunnar (IP-tala skráð) 21.6.2012 kl. 09:24]

@Axel Jóhann Hallgrímsson

63% kusu, af þeim 63% skiluðu 20+% auðu eða 12.6+%. 50.7+12.6 = 63.3%, svo...

[Bjarki (IP-tala skráð) 21.6.2012 kl. 10:30]

Furðulegt að nú er þessi frétt búin að vera á mbl.is í heilan dag án þess að gróf vitleysa hafi verið leiðrétt. Ólafur Ragnar fékk 85,6% gildra atkvæða í kosningunum 2004. 20,6% skiluðu auðu og kjörsóknin var 63%.