Til hamingju með afmælið Yoko Ono!

Tók eftir því í kvöld, laugardag 18.2. að kveikt er á Friðarsúlunni í Viðey, sem er listaverk eftir Yoko Ono til minningar um John Lennon.

Óvanalegt er að kveikt sé á súlunni á þessum tíma. Slökkt er ár hvert 8. desember, daginn sem John var ráðinn af dögum.

En Yoko á afmæli í dag, sem sagt, 90 ára stórafmæli!

Athugasemdir

[Guðmundur Örn Ragnarsson (IP-tala skráð) 18.2.2023 kl. 20:16]

4 Verið ávallt glaðir í Drottni.

Ég segi aftur: Verið glaðir.

5 Ljúflyndi yðar verði kunnugt öllum mönnum.

Drottinn er í nánd.

6 Verið ekki hugsjúkir um neitt,

heldur gjörið í öllum hlutum óskir yðar kunnar Guði

með bæn og beiðni og þakkargjörð.

7 Og friður Guðs, sem er æðri öllum skilningi,

mun varðveita hjörtu yðar og hugsanir yðar í Kristi Jesú.

8 Að endingu, bræður,

allt sem er satt,

allt sem er göfugt, rétt og hreint,

allt sem er elskuvert og gott afspurnar,

hvað sem er dyggð og hvað sem er lofsvert,

hugfestið það.

9 Þetta, sem þér hafið bæði lært og numið, heyrt og séð til mín,

það skuluð þér gjöra.

Og Guð friðarins mun vera með yður. Fil. 4.

[Jónatan Karlsson, 19.2.2023 kl. 07:37]

Give peace a chance - Make love not war

Sú kynslóð barna sem fæddust, eða urðu til í nánd við síðari heimstyrjöldina, komu til að hafa áhrif á gang sögunar með friðarboðskap og mótmælum sínum.

Þessi börn sem gjarna voru kölluð blómabörn voru hötuð af mörgum.

Til hamingju Yoko Ono

[Sigurður I B Guðmundsson, 19.2.2023 kl. 19:46]

Sá hljómleika hennar í Háskólabió. Magnaðir tónleikar. Mætti svo henni óvart í Ingólfsstræti daginn áður. (Hún var með lífvörð með sér) ekki mín vegna!!