Börn kunna að bjarga sér!

Þrátt fyrir að verið sé að aumingjavæða upprennandi kynslóð. Krakkar/unglingar mega ekki vinna (EES reglur ...) og margir þeirra eru háðir skjánum á símunum sínum.

Lofsvert framtak hjá Theo í Vesturbænum að moka snjóinn af gangstéttunum. Meira að segja notaði hann afmælispeninga til að kaupa sér snjóruðningssköfu til verksins!!!

Hef tekið eftir að krakkar hafa mikla hreyfiþörf. Af því að þeir eru í of mikilli kyrrsetu. 

Í sundlauginni tek ég t.d. eftir því að krakkarnir taka yfirleitt á rás út úr lauginni þegar þau eru komin fram á gang eftir sund! Hafa greinilega mikla hreyfiþörf. Man ekki eftir því að við krakkarnir höfum gert þetta á sínum tíma, enda stanslaust að leika okkur utanhúss frá morgni til kvölds.

Þegar ég var krakki og dvaldi hjá afa og ömmu úti á landi á sumrin var ég heppin að afi var bakari og ég mátti mæta í bakaríið þegar ég vildi og gerði. Það var æðislegt að vinna við að pakka inn brauðum og hreinsa bökunarplötur.

Og ekki má gleyma landlækni okkar: Alma Möller gat unnið í fiski sem krakki á Siglufirði (skv. frétt hér á mbl.).

Hraustir krakkar þurfa og vilja verkefni með tilgang og hreyfingu. Ekki bara leika sér daginn út og daginn inn.

Ruddi hálfan Vesturbæinn á laugardagsmorgni

Kveikt hefur verið á Friðarsúlunni - líklega gegn stríðsástandinu

Slökkt er á henni ár hvert 8. des. á dánardægri John Lennon og síðan kveikt á henni á afmælisdag hans 7. október ár hvert. Nú hefur líklega verið kveikt á henni í ljósi aðstæðna. Hér ríkir stríðsástand: veira herjar á landsmenn sem og aðra úti um heim allan.

Á 20. öldinni las maður sífellt um heimsendaspár og að Heimstyrjöldin þriðja væri í aðsigi. Fimm árum eftir efnahagshrunið 2008 var ég að hitta fólk, t.d. nýbúa hér sem voru á tánum og sem höfðu á tilfinningunni að nýtt hrun væri í aðsigi.

Og maður hefur horft upp á ótal byggingakrana á s.l. árum og t.d. hótel eru byggð eins og enginn sé morgundagurinn.

Margir turnar (íbúðir og hótel) hafa verið byggð í Dubai á s.l. árum en þar hefur fasteignaverð hrunið á s.l. árum. Útlendingar sem hafa unnið þar hafa yfirgefið landið. Og ég var að velta fyrir mér hvort stutt væri í næsta hrun.

En enginn sá fyrir sér að næsta hrun yrði af völdum pínulítilla örvera sem valda veikindum fólks.

Spjallaði við mætan mann um daginn (8.3.) sem starfaði á sínum tíma sem læknir á Borgarspítalanum. Talið barst að Spönsku veikinni 1918. Sagði hann mér frá bók sem hann hafði fengið í jólagjöf: Urðarmáni eftir Ara Jóhannesson.

Þetta er söguleg skáldsaga um Spænsku veikina á Íslandi og sagði hann mér að síðasti kaflinn í bókinni héti "Mars 2020."

Í kaflanum kemur flugvél til Íslands með ferðamenn frá Kína og þeir bera með sér veiru ...

Dr. fiskifræðingur þekkir helvíti af eigin raun, eða hvað?

Gulur þorskur veiðist 9 mílur vestur af Surtsey. Dr. fiskifræðingurinn Gunnar Jónsson kallar fiskinn "eitt magnaðasta helvíti úr sjó."

Velti fyrir mér af hverju maðurinn kallar fiskinn "helvíti" þó að dýrið sé gult. Kannski hefur fiskifræðingurinn þurft að dúsa í helvíti þar sem guli liturinn var yfirgnæfandi. Ef hann þolir ekki gula litinn verslar hann kannski ekki í Bónus og IKEA.

Hvernig bregst hann við öðrum litum? Litum á fólki sem er t.d. ekki hvítt?

Aumingja dýrið sem doktorinn kallar helvíti, er kannski bara með stökkbreytt gen.

Fiskarnir í sjónum fæða okkur mannfólkið. En það hefur viðgengist árum saman að gera lítið úr sjávardýrum í tungumálinu.

Ekki hugnaðist mér þegar kennari í eðlisfræði kallaði okkur nemendurna í bekknum þroskhausa hér snemma á 8. áratugnum.

Hættum að gera lítið úr dýrum í tungumálinu.

P.S. Varðandi gula þorskinn: hefur hann bara ekki lent í einhverju geislavirku njósnatæki ríkis eða mengun sem gerðu lit hans gulan?

„Þetta er nú eitt magnaðasta helvíti úr sjó“

Þetta er ljótt!

Að vísa ítölskum ferðamönnum frá því að versla á Íslandi af því að þeir eru Ítalar.

Ég hef í mínu starfi átt samskipti við Asíubúa s.l. janúar og febrúar. Spyr þá aldrei hvaðan þeir koma. Þeir versla við mig. Einnig Norðmenn, Svíar og Danir. Covid veirar hefur greinst i öllum þessum löndum, ef ég geri ráð fyrir að Asíubúarnir komi frá Kína og Japan. En á þessum árstíma kemur hingað fjöldi asískra ferðamanna á ódýrum fargjöldum, enda eru þetta aðallega námsmenn frá t.d. Englandi og öðrum löndum í Evrópu.þ

Ítölum verið vísað á dyr hérlendis

Ríkisskattstjóri stendur ekki rétt að því að sekta félög.

Félög, félagasamtök, fyrirtæki og almenningur sem er með skráð fyirtæki í fyrirtækjaskrá,fylgist ekki dags daglega með lagasetningu. Hvernig er að ætlast til að Ríkisskattstjóri fái miklar innheimtur af skráningu raunverulegra eigenda?

Ég sá frétt í Fréttablaðinu um þetta um daginn, en svo gleymdi ég þessu. En ég er með skráð fyrfirtæki í fyrirtækjaskrá.

Og s.l. laugardag,29.2. kom önnur grein í Fréttablaðinu um þetta mál. Tek fram að í báðum tilfellum las ég pappírsútgáfuna af blaðinu. Veit ekki hvort þetta kom fram í vefútgáfunni.

Nú voru góð ráð dýr, ég þurfti að skrá inn á vef skattsins raunverulegan eiganda félagsins. Fyrir mánaðamót. Mér fannst endilega að fyrsti mars væri núna á mánudaginn.

Nú á sunnudagsmorguninn fór ég á vef skatts. Það mátti finna leiðbeiningar og annað varðandi þetta mál. Ég skrái mig inn, en fann gjörsamlega enga leið til að sinna erindinu.

Enda var það orðið degi of seint, enda kominn 1. mars!

Skilaboðin frá RSK/skattinum voru léleg. Það hefði átt að senda öllum aðilum sem hafa einhvern tíma skráð félag/fyrirtæki einkaskilaboð frá RSK til að gera fólki viðvart um lögbindingu þessarar skráningar.

Foreldrafélög verða sektuð 2. mars