Bloggfærslur mánaðarins, nóvember 2014

Er nokkuð veður til að kveikja á Oslóartrénu á sunnudag?

Mér datt þetta í hug eftir að hafa fylgst með veðurspánni í gær og í dag: skítaveðri og vindi er spáð síðdegis á sunnudag. Er einhver grundvöllur til að stefna íbúum niður á Austurvöll til að horfa á fjúkandi jólatré, og hafa skemmtiatriði í stormi?

Vonandi sjá borgaryfirvöld til þess að athöfninni verði frestað til næsta mánudags, eða næsta sunnudags, eða hreinlega flýta athöfninni til morguns, laugardag, þar sem að spáð er skaplegu veðri á morgun.

Það verður amk spennandi að sjá hvernig og hvenær verður kveikt á Oslóarténu.


mbl.is Vonskuveður á sunnudag og mánudag
Tilkynna um óviðeigandi tengingu við frétt

Geta konur fætt ef ljósmóðurin kemst ekki í tölvuna?

Jú, auðvitað geta konur fætt, þó að ljósmóðurin komist ekki í tölvuna. Það vitum við, enda hafa börn fæðst í sjúkrabílum og annars staðar á leið á fæðingardeildina.

En ég ræddi þetta við samstarfskonur mínar í vikunni, eftir að hafa lesið um tölvubilun Landsspítalans. Og í fréttinni segir að bilunin hafi haft "áhrif á alla starfsemi spíalans."

Ef þjóðin er orðin ofurháð tölvum og rafmagni, þá fer illa þegar þetta tvennt klikkar.

Ljósmæður til forna tóku á móti börnum eins og herforingjar, og  yfirleitt gekk allt vel, þó að aðstæður væru oft skelfilegar. En ég býð ekki í það, að ef tölvukerfi virki ekki á fæðingardeild, eða netið niðri, að ljósmóðir geti ekki sinnt starfi sínu: taka á móti barni.

Hvað væri vændamálið? Þyrfti ljósmóðir að fletta upp einhverju, t.d. hvað verðandi móðir ætti að vera komin í útvíkkun m.v. ákveðinn tíma?

Ég hef áhyggjur af því að ef starfsfólk almennt geti ekki lært utanað ákveðar upplýsingar, og þurfi að fletta öllu upp í tölvum, að þá getur farið illa, þegar það kemst ekki í tölvuna.

 

 

 


mbl.is Alvarlegasta bilun í 8 ár
Tilkynna um óviðeigandi tengingu við frétt

Vonandi fengu þeir "pizzu og kók" í lokin ...

Óska starfsmönnum RSK til hamingju með að hafa lokið við skuldaleiðréttinguna. Vonandi hefur yfir-RSK boðið starfskröftum sínum í pizzu og kók, eða bara kaffi og kleinur eftir törnina.

Fékk einmitt símtal frá dóttur minni á fimmtudagsmorgun þar sem hún sagðist hafa fengið leiðréttingu. Held að margir landsmenn gleðjist þessa dagana með leiðréttinguna.Er ekki bara RSK vinnustaður mánaðarins?


mbl.is Féll í kramið hjá þjóðinni
Tilkynna um óviðeigandi tengingu við frétt

Mun landið lamast algerlega, í nánustu framtíð?

Mér datt þetta í hug við að heyra fréttina af bilun tölvubúnaðar á Landspítalanum.

Tölvukerfi dettur út. Hversu oft höfum við ekki lent í svona. Og ekkert hægt að gera. Á meðan.

Netið dettur út. Á meðan er ekkert hægt að gera. Komumst ekki á netið. Verslanir og fyrirtæki með afgreiðslukerfi háð neti, geta ekki afgreitt viðskiptavini. Bankar verða óvirkir. Spítalar verða óvirkir. Nú er allt háð tölvukerfumm, rafmagni og nettengingum.

Rafmagn fór af hér áður fyrr, en það hafði lítil sem engin áhrif á afgreiðslu í verslunum og bönkum, og sjúkrahúsin höfðu vara rafstöðvar. Sem krakki man ég aðallega eftir að rafmagn fór kannski af á aðfangadagskvöld þegar allt var á fullu í eldamennsku á heimilum úti á landi.

En ef eitthvað mikið gerist, og rafmagn dettur út í einhvern tíma, þá er voðinn vís. Hversu undirbúin eigum við að vera?

Það er reyndar búið að ræða þetta nýlega og ýmis stórfyrirtæki sem ætla að koma sér upp vararafstöð.

En það sem kom upp í hugann, var að mig minnir að Svisslendingar hefðu komið sér upp neðanjarðarbyrgjum með vistum á sínum tíma. Man ekki hvort það var afleiðing heimstyrjaldarinnar eða ótti við kjarnorkustríð.

Það er bara spurning hversu undirbúin við eigum að vera, þegar lömunanástand kæmi upp á landinu, t.d. vegna eldgoss eða annars? Eigum við að koma okkur upp smá birgðum af niðursuðudósum, prímus og eldspítum. Og hafa reiðufé tiltækt á sama stað?

En það er alla vega gott að hafa lyklakippuna, skilríkin, greiðslukortin og reiðufé á sama stað, ef við þyrftum að yfirgefa heimili okkar í skyndi, við hvaða aðstæður sem er.

 

 

 

 

 


mbl.is „Þetta var alvarleg bilun“
Tilkynna um óviðeigandi tengingu við frétt

Nýbúar - Taka 4

Margir nýbúar hafa fengið störf við akstur hjá Strætó bs. Ég nota strætisvagna töluvert, og á því samskipti við þessa nýbúa. Nýbúarnir sem aka strætisvögnunum hafa gott viðmót og keyra strætisvagnana yfirleitt á réttum hraða, þ.e. þeir aka yfirleitt ekki yfir hámarkshraða á hraðbrautum.


Eldfim feiti í Bankastræti

Vonandi hefur ekki orðið of mikið tjón í Búllunni B5, eftir þennan eldsvoða. En þegar kviknar í feiti má alltaf búast við miklu raski.

Var að koma úr vinnu með strætó inn í Lækjargötu í kvöld um kl. 19:15 og sá blá blikkandi ljós fram undan. Síðan kom slökkvuliðsbíll með vælandi sírenu á eftir strætisvagninum, en báðar akgreinar voru uppteknar. Tveir slökkvuliðsbílar voru þegar komnir í Bankastræti og tveim sjúkrabílum hafði verið lagt fyrir framan Stjórnarráðið.

Ég sá hvorki eld né reyk á þessum tímapunkti og vonaði að þetta hefði verið eitthvað smotterí. En svo sé ég mynd af miklum hvítum reyk sem fylgir þessari frétt.

Algengt er að það kvikni í steikingarfeiti. Besta húsráðið er að eiga eldvarnarteppi sem er hægt að kasta yfir pott eða pönnu sem hefur kviknað í. Þetta vita flestir, en ...

... Ég var einmitt að steikja franskar um helgina, og tók þá eftir að eldvarnarteppið mitt var ekki 'alveg' við hendina: það hafði lent neðarlega í skúffu fyrir neðan eldavélina. En eldvarnarteppi þarf að vera vel tiltækt ef kviknar í einhverju í eldhúsinu.

Það er ekki óskastund ef kviknar í einhverju í eldhúsinu hjá manni. Sem betur fer hefur aldrei kviknað í frönsku-potti hjá mér, en það hefur tvisvar kviknað í öðru.

 


mbl.is Eldur í Bankastræti 5
Tilkynna um óviðeigandi tengingu við frétt

Af hverju mismunar Strætó bs. farþegum?

Farþegar Strætó sem kaupa far út á land ferðast með vögnum sem hafa öryggisbelti. Farþegar innanbæjar á stór-Reykjavíkursvæðinu ferðast með vögnum án bílbelta.

Ég nota strætó töluvert, bæði innan- og utanbæjar. Hér innanbæjar aka vagnar á gífurlegum hraða á sumum leiðum, þannig að ferðin verður ónotanleg og óþægileg. Oft eru foreldrar með börn á þessum leiðum og mér sendur ekki á sama um þau, óbundin í sætunum. En hef tekið eftir að bílstjórar sem aka milli landshluta, aka á skynsamlegum hraða.

Þessa dagana standa yfir "Öryggisdagar Srætó og VÍS." Örygisþættirnir eru sjö, og sá sjöundi segir "Gætið vel að litlum börnum á leið inn og útúr vagninum." Sem er gott og vel.

En það er ekki nægilegt. Lítið barn sem situr óbundið í sæti í strætisvagni er alls óvarið. En margir foreldrar taka barn sitt úr kerru og halda á því, eða láta það sitja eitt og óbundið í sæti. Þeir byðu barni sínu líklega ekki upp á slíkt ef um fólksbíl er að ræða.

Af hverju telur Strætó bs. það ásættanlegt að bjóða upp á strætisvagna innanbæjar sem hafa engin bílbelti og þar sem farþegar geta átt von á að bílstjóri keyri á miklum hraða á vissum leiðum, jafnvel hraðar en bílstjóri á leið út á land?


Jón Þórhallsson minnir á Kristniboðsdaginn 9.11 og ég minni á

Feðradaginn sunnudaginn 9.11.2014. Heiðra skaltu föður þinn og móður, er þekktur frasi í kristni. Við skulum muna eftir að gera feðrum okkar hátt undir höfði þennan dag.

Téður Jón Þórhallsson gefur ekki kost á að ég skrifi athugasemd við bloggið hans; það er bara fyrir einhverja útvalda. Þess vegna blogga ég um þetta.

Téður Jón spyr: "Haldið þið að það sé "Guði" þóknanlegt að 2 einstaklingar af sama kyni gangi í það heilaga gifti sig í kirkjum. Ættu biskupar landsins ekki að vera ákveðnir siðgæðisverðir?"

Í stuttu máli sagt, þá lagði "Guð" upp með þá áætlun að karl og kona ættu mök saman en ekki tveir karlar eða tvær konur.

Hvað getur þetta sagt okkur? Jú, "Guði" bara mistókst áætlun sína um hinn fullkomna mann, og konu. "Guð" hefur bara farið af stað í framleiðslu sinni á kynjunum, en karlgreyjinu fataðist bara aðeins flugið, þar sem að kynin hafa sjálfstæða hugsun og svoleiðis ...

Spyr mig hvort Jón Þórhallsson hafi einhvern tíma velt fyrir sér hvort "Guð" hafi einhverja menntun í lífefnafræði og álíka?

En í mínum huga, þegar ég hugsa út í "Guðsmálin," þá er ég nú ansi hrædd um að guðskallinn félli á fyrsta misseri í háskólanámi í dag, í bio-engineering, eða hvað sem þetta heitir, kannski lífefnatæknifræði.

Miðað við stöðuna eins og hún er í dag, og að "Guð" hafi skapað manninn, þá er ég handviss um að hann myndi kolfalla í háskólanámi í dag: karlar giftast körlum, og öfugt; menn og konur drepa hvert annað; mannkynið er mergsogið af sjúkdómum ...

Þetta er mjög svo ófullkomin framleiðsla. Þannig að það þyrfti öflugri aðila en "Guð" til að búa til karla og konur.

Biskupar geta lítið gert í málunum til að takast á við vitræn öfl mannkyns sem einhver tossi á borð við "Guð" skapaði á sínum tíma. 

 

 

 


Hraðakstur strætóbílstjóra á Öryggisdögum Strætó og VÍS

Mig hefur oft langað til að kvarta undan hraðakstri bílstj. hjá Strætó, á ákveðnum leiðum. Lét verða af því áðan. Af því að ég tók strætisvagn í dag, og bílstjórinn ók mjög hratt. En það vill svo til að nú standa yfir "Öryggisdagar Strætó og VÍS, skv. vefsíðu Strætó. Svona "öryggisdagar" virðast ekki hafa áhrif á ákv. harðsvíraðan bílstjóra sem fílar það að stíga á pinnann.

Það er mjög óþægilegt að sitja í strætisvagni sem keyrir á ofsahraða. Og mér hefur stundum ekki litist á blikuna þegar t.d. ung móðir kemur með barn í kerru inn í vagn. Tekur barnið úr kerrunni og heldur á því, í strætisvagni sem ekur svo á miklum hraða. Mín tilfinning er sú, að betra sé að barnið sé bundið í kerrunni í vagninum.

Ef einhver sem les þetta blogg, og sem tekur strætó, og verður var við hraðakstur eða undarlegt háttalag í akstri, þá hvet ég hinn sama að hafa samband við Strætó.is og láta vita. 


Horfir þú mikið til himins?

"Frakkar leita fljúgandi furðuhluta" er frétt sem vakti athygli mína, en ég hef áhuga á þessum fyrirbærum. Og þegar ég smellti á þessa fyrirsögn á mbl.is kom allt önnur fyrirsögn á fréttina, sem sagt. "Í Frakklandi horfa menn til himnanna." Ég spyr: hvaða himna? Er ekki bara einn himinn? Áhrifaríkari fyrirsögn væri t.d.: "Frakkar horfa til himins."

En ég hvet þann sem skrifar þessa frétt að koma með meira af álíka fréttum, enda gert allt of lítið af þessu í íslenskum fjölmiðlum. En í fréttinni segir að Geipan sé eina teymið í Evrópu sem rannsakar fljúgandi furðuhluti á kostnað hins opinbera.

En mig grunar nú að þetta sé rannsakað í fleiri löndum, þó að ríkisstjórnir viðurkenni það ekki opinberlega.


mbl.is Frakkar leita fljúgandi furðuhluta
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband