Kári áttar sig á ástandinu

enda þarf að herða einhverjar reglur til að fækka smitum. Þríeykið hefur verið of lint upp á síðkastið. Vona að það fari ekki að slaka meira á en það hefur gert.

En um leið og eitthvað fer í gang, er farið að slaka á. Sbr. á leiknum gegn Belgum í gær. Fótboltinn er svo ægilega merkilegur. Hamren var meiraðsegja mættur á völlinn þótt hann væri í sóttkví! Það hefði alveg nægt honum að horfa á leikinn í sjónvarpi.

Og ef það yrði eldgos hér, já, já, þá fengju erlendir blaðamenn að vaða hér inn án þess að fara í sóttkví, eldgos er svo merkilegt, og blaðamenn, nei þeir eru ekkert í nánum samskiptum við landsmenn. Þetta hefur verið viðkvæðið.

Er þvíeykið þunnur þrettándi?

Vill vetrarfrí í skólum og lokun veitingastaða

Hvað var lagað

Það kemur ekki fram í fréttinni.

Hönnunargalli í símkerfi Neyðarlínunnar lagaður

Ungmenni laumuðust í sund - en við þjófstörtuðum Laugardalslaug

Drepleiðinlegt að komast ekki í sund þessa dagana. En unglingar komust í laug, í óleyfi, og náðust, skv. fréttinni.

En þegar stutt var í opnun Laugardalslaugar árið 1968, en maður hafði nú svamlað og synt í gömlu laugunum hinum megin við götuna, komu vinkonur mínar að máli við mig og tjáðu mér að einhverjir krakkar í hverfinu hefðu stolist í nýju laugina. Og nú átti að endurtaka atvikið. Ég var til, þetta var spennandi.

Haldið var af stað, með sundbol og handklæði í poka og klifrað yfir dökkbrúna trégirðingu sem var ekki svo há að hún hindraði okkur stelpurnar í að klifra yfir. Og viti menn: þarna beið laugin, það var vatn í henni, kannski ekki svo hreint, líklega búið að vera lengi í lauginni. 

Þetta var kannski æsilegasti og skemmtilegasti sundsprettur sem maður hefur tekið á ævinni.

En enginn gómaði okkur við iðjuna sem betur fer!

Hópur ungmenna laumaðist í sund