Bloggfærslur mánaðarins, mars 2015

Fuglar fyrr á ferðinni í vor - en fuglar metsöluhöfunda ennþá fyrr á ferðinni!

Í frétt á Mbl. segir að ýmsir farfuglar séu fyrr á ferðinni. Það er ekki eins og að veðurfarið sé svo gott hér á suðvesturlandinu nú, enda er vorið seint á ferðinni. Það væri áhugavert að heyra álit fuglaáhugamanna varðandi það að fuglar eru fyrr á ferðinni í ár.

Hef verið að gefa fuglum brauð- og matarafganga yfir veturin og vorið í mínu hverfi. Í fyrra sá ég frstu sílamávana 3 apríl og í ár 25. mars. 

Sílamávurinn er áberandi fugl á höfuðborgarsvæðinu og mig grunar að sömu fuglarnir komi hingað ár eftir ár. Fyrir nokkrum árum var hann ágengur við Pylsuvagninn í Laugardal. Ástæðan er að það eru nánast engin fiskvinnslufyrirtæki hér lengur, þangað sem mávurinn getur leitað ætis.

Ég er ekki mjög fuglafróð, en ég tók eftir því í hitteðfyrra, að í september, þá hætti ég að heyra mávagarg. Málið er, að mávurinn yfirgefur landið í september og kemur til baka í mars.

Það eru fleiri en ég greinilega, sem eru ekki nægilega fróðir um fugla, en ég las tvær bækur í fyrra þar sem mávar voru að krafsa í matarafganga í Reykjavík um hávetur. Þetta var í bók eftir Yrsu (sem gerist á Grænlandi) og bókinni Hlustað eftir Jón Óttar Ólafsson.

Ég hef allavega aldrei séð máva á ferð í Reykjavík í desember, leitandi að æti.

En, sem sagt, mávurinn er mættur á svæðið, ásamt fleiri fuglum. Og þar sem tíðin er ekki góð (kalt og ennþá að snjóa) er tilvalið að gefa fuglum matar- og brauðafganga.


mbl.is Fuglarnir smám saman fyrr á ferðinni
Tilkynna um óviðeigandi tengingu við frétt

Þota Icelandair lenti á Reykjavíkurflugvelli í dag ...

segir í frétt Mbl. Það útskýrir rosalegan hávaða frá flugvél, þegar ég er stödd á matsölustað á 101 Reykjavík síðdegis. Eyrun á manni blaka, og maður spyr sig í huganum: hvað er í gangi? En svona er þetta ... veðrið var slæmt í dag, amk hér á höfðborgarsvæðinu þar sem gekk á með éljum og það var greinilega ekki skárra í Keflavík.

Hávaði frá þotu sem er að lenda á Reykjavíkurflugvelli hefur áhrif á matartíma vinnandi fólks. Sem betur fer er Reykjavíkurflugvöllur ekki alþjóðaflugvöllur :)


mbl.is Lenti í Reykjavík vegna hálku
Tilkynna um óviðeigandi tengingu við frétt

Sumir vilja vera fyrstir með fréttirnar

eins og fréttin á Mbl. segir til um: "Flogið viljandi á fjallið? sem er frétt tekin upp af CNN. Þetta hljómar eins og dæmigerð amerísk samsæriskenning. Og jafnvel BBC hefur tekið þetta upp, en ekki í smáatriðum eins og Mbl.

Mér finnst undarlegt að einstaklingur sem á aðild að rannsókninni, komi fram með upplýsingar um orsök þessa flugslyss á eigin spýtur. Annað hvort vill viðkomandi vera fyrstur með fréttirnar og leika hetju eða að þetta sé samsæriskenningarsmiður. Það virðist engin virðing ríkja gagnvart aðstandendum þeirra sem létust í slysinu með því að birta svona frétt. Að mínu mati eiga aðstendur fyrstir að fá að vita hvað orsakaði dauða fórnarlamba flugslyssins.

Halldór Jónsson bloggaði um þetta flugslys samdægurs, 24.3. (Airbus) segir meðal annars:

"Airbus er ekki Boeing. Airbus virðist detta úr loftinu oftar en Boeing." ... og svo framvegis. Hvet lesendur að lesa það.

Ég skrifaði eftirfarandi athugasemd við bloggið hans Halldórs:"Sammála þér Halldór, ég hef einmitt tekið eftir því undanfarin ár, þegar um stór flugslys er að ræða, að þá er það Airbus þota sem á í hlut. - Mig langar ekki að fljúga með Airbus-þotu.

Var að fylgjast með umræðuni í gær og í dag á Sky News og France 24. Þar kom fram að þessi vél væri mjög tæknivædd/tölvuvædd- og örug ... Mér leist ekki á þetta með tækni/tölvur varðandi vélina. Tölvukerfi eiga það til að klikka og jafnvel detta út. Það veit ekki á gott ef ekki er hægt að handfljúga flugvél svona yfirleitt, og hvað þá þegar tölvukerfið dettur út.

Þetta er spurning um hvort hönnun flugvéla og/eða hvernig þeim er stýrt, sé komin fram úr sjálfri sér.

Talvan hjá manni frýs stundum, eða jafnvel hrynur, eins og sagt er. Þá þarf að endurræsa og jafnvel gera einhverjar ráðstafanir. Og sem betur fer, situr maður heima, á jörðu niðri. En það er dýrkeypt að tölvutæknin taki alfarið yfir flugvélar, sem ekki er hægt að handstýra þegar kerfið hrynur."

Einmitt, þegar talvan frýs heima í sfofu, þá hreinlega tekur maður til hendinni og reynir sjálfur að lagfæra ástandið HANDVIRKT, sem virkar í flestum tilfellum. Ef ekki, þá á maður kost á að LABBA með tölvuna út í bíl og setja hana beint í viðgerð.

 


mbl.is Flogið viljandi á fjallið?
Tilkynna um óviðeigandi tengingu við frétt

Vertu kúl beibí, gagnvart þessu bloggi, plís

Það er geggt gaman að lesa um upplifun erlendra á íslensku. En þegar Ísland heyrði undir danska krúnu, var dönskukunnátta hér mun meiri og Íslendingar slettu út í hið óendanlega. Minnir að þetta komi vel fram í leikritinu "Maður og kona."

Sænskur málvísindamaður hefur rannsakað íslensk tökuorð, skv. fréttinni.

Fólk er rosalega kúl gagnvart slettum og lánsorðum í íslenskri tungu. A.m.k. nota allt of margir viðmælendur í viðtölum á ljósvakamiðlum slettur, sérstaklega enskuslettur. Þrátt fyrir að til eru orð á íslensku yfir heitið eða fyrirbærið.

Mér finnst það óvirðing við hlustendur/áhorfendur á ljósvakamiðli þegar viðmælandi slettir. Ekki nærri allir hlustendur skilja t.d. ensk orð sem viðmælendur nota. Stjórnmálamenn eru með þeim verstu.

Plís, viðmælendur: talið pjúra íslensku þegar þið komið í viðtöl. Það er nefnilega kúl að vera góður í sínu tungumáli: íslenska er íslenska og enska er enska.

 


mbl.is Rannsakaði kúl, beibí og plís
Tilkynna um óviðeigandi tengingu við frétt

Þakklátir ferðamenn

Hitti oft túrista í strætó eða við bið eftir strætó. Ég reyni alltaf að gera mitt besta til að aðstoða þá á einn og annan hátt. Margir eru óöurggir þegar þeir þurfa að taka strætó á hótelið sitt. Í dag leiðbeindi ég amerískum hjónum í srætó, og þau höfðu orð á því hversu hjálplegir Íslendingar hefðu verið við þau.

Margir ferðamenn láta reyna á eigin getu, sérstaklega yngra fólk, og rýna í götu- og samgönguskrár, án þess að biðja um aðstoð. Það er aðallega eldra fólk sem spyr til vegar. Og þá er auðitað sjálfsagt að leiðbeina þessum túristum eins og hægt er.

Eitt árið lóðsaði ég túrista alla leið upp á Þjóðskrá, en þeir voru að leita eftir ættingja hér á landi. Þjóðskráin var á leiðinni heim til mín, og mig munaði ekki um að fara þarna upp með þeim, og líka til að sjá hvort þau fengju viðeigandi þjónustu, sem ég held að þau hafi fengið.

En mitt álit er að yfirleitt er landinn jákvæðúr gagnvart ferðamönnum og aðstoði þá við að rata, eins og hægt er.


Gullfoss hvarf

Í frétt Mbl. segir að hætta hafi skapast við Gullfoss og að erlendir ferðamenn hætti sér of nálægt brún þar sem er snjór og snjóhengjur sem geti skapað hættu fyrir gangangi vegfarendur. Fossinn rennur í mjög djúpu gljúfri, og útlendingar gera sér enga grein fyrir hversu hættulegar aðstæðirnar geta verið.

En nýlega las ég magnaða frásögn af miklum leysingum sem urðu á svæðinu árið 1930. Þá urðu flóð í Ölfusá við Selfoss, Sogið varð eins og stöðuvatn alla leið upp í Álftavatn. Og ábúandi í Haukholtum í Hrunamannahreppi lýsti ástandnu þannig að Gullfoss hefði gjörsamlega horfið (dag einn seint í febrúar), gljúfrið hefði verið bókstaflega alveg barmafullt ... 


mbl.is Mildi að ekki varð mannskætt slys
Tilkynna um óviðeigandi tengingu við frétt

Útlendingum seld gisting í sumarhúsi uppi sveit þar sem ekki er mokað

Í dag átti ég tal við kunningjakonu sem kom Japönum til hjálpar uppi á Skeiðum um daginn og í dag lóðsaði ég tvær amerískar konur úr miðbænum, þar sem var skítaveður og ekkert fyrir túrista að gera, en þær þurftu leiðbeiningu um að komast á sitt hótel með strætó.

Ísland er ferðamannaland, eins og svo mörg önnur. Og við getum ekkert gert að því, þó að veðrið sé slæmt. Hitti tvær amerískar konur sem höfðu komið hingað síðdegis á mánudag og fara heim á morgun, laugardag. Þær fóru í ferð í Bláa Lónið s.l. þriðjudag. Man einhver hvernig veðrið var þann dag? Það var skítlegt og ekki út úr húsi farandi. Þær sögðust hafa verið í síðustu rútunni sem komst þaðan áður en Keflavíkurvegurinn lokaðist.

Þær voru ótrúlega jákvæðar, þrátt fyrir veðrið og ég sagði þeim auðvitað að það væri nú ekki algengt að svona óveður gengi yfir landið marga daga í viku.

En það er ekki víst að Japanska parið, sem kunningjakona mín, ásamt öðrum, hjálpaði, eftir að hafa keyrt inn í skafl, á leið í bændagistingu uppi á Skeiðum. Það að selja bændagistingu í sumarhúsi, eða kofa, hér um hávetur, og ætlast til þess að kaupandinn skilji bílinn eftir við þjóðveg eitt, og rogist með farangurinn, það sem eftir er, marga kílómetra ... 

...það kann ekki góðri lukku að stýra. Slíkt atvik getur eyðilagt orðstýr Íslands sem ferðamannalands. Enginn á að bjóða upp á gistingu í húsi, skúr eða kofa, þangað sem kolófært er.

Japanir og margir erlendir ferðamenn eru alls óvanir íslenskri veðráttu og ófærð. Þessir ferðamenn eiga ekki eftir að hrósa Íslandi sem ferðamannalandi.

Heldur ekki ferðamenn sem farið er með út úr bænum í aftakaveðri og lenda í bílveltum eða öðrum hremmingum í þeim rútum sem þeim er smalað í, hvernig sem viðrar.

En ferðamenn sem eru staðsettir kringum miðbæ Reykhavíkur, og eru ekki að fara neitt út á land, finnst æðislegt þegar veðrið hér í Reykjavík er slæmt. T.d. þegar sjórinn frussast hér upp að ströndinni í háum öldum. En það er ekki bjóðandi akandi ferðamönnum á litlum bílaleigubílum sem lenda í glerhálku, snjó og sköflum, að vera að selja þeim gistingu, gull og græna skóga hér um hávetur. 

Það er bara vísun á neikvæða umsögn um landið sem ferðamannalands.


mbl.is Fólk ferðist ekki að óþörfu
Tilkynna um óviðeigandi tengingu við frétt

Trúmálin snúast um peninga og kukl.

Eins og ég hef alltaf haft grun um: trúmál eru bara eins og hver önnur viðskipti; bara bisness. Mikið fjármagn fylgir helgislepjunni. Á Íslandi eru svokallaðar kirkjujarðir sem sérar sækjast eftir. Á Ítalíu rekur Vatíkanið banka. Og ekki virðist skorta fjármagn fyrir nýbyggingu mosku fyrir Múslema í Reykavík.

Það er meira að segja áhyggjuefni innan islensku þjóðkirkjunnar, hversu margir hafa sagt sig úr henni. Sem þýðir minni tekjur.

Þegar almúginn fer að lesa fréttir um trúfélög sem peningamaskínu eða hreinan bisness, þarf almúginn að fara að hugsa sinn gang. Trúfélög eru nefnilega mjög dugleg að draga til sín einstaklinga sem eru leitandi í lífinu, með því að lofa þeim gulli og grænum skógum ef þeir fari á trúa á guð og biðja bæna.

Þetta minnir á skottulækningar: ef þú trúir á okkar guð, öðlastu eilíft líf, segir trúarleiðtoginn, sem þarf að fá fleiri í söfnuðinn. Skottulæknirinn segir við leitandi sjúkling: þú getur öðlast bata ef þú ferð í þessa meðferð og ef þú drekkur nanóvatnið gætir þú losnað við hjólastólinn áður en þú veist af.

Trúarbrögð eru tengd menningarsögu þjóða. En því miður hafa óprúttnir náungar notfært sér þetta til að hafa fólk af féþúfu með ýmsum gylliboðum í gegnum tíðina.

Nærtækasta dæmið sem ég man eftir, er þegar Kaþólikkar seldu almúganum syndaaflausnir. Einstaklingur greiddi kirkjunni ákveðna upphæð og fékk í staðinn bréf upp á að viðkomandi væri syndlaus. Þetta er bara eitt dæmi um trúarlegt kukl.


Sem betur fer fæðast börn þrátt fyrir órafræna Reykjavík

Hvernig heldur þú, lesandi góður, að ástandið sé á fæðingardeildinni, þegar netsambandið dettur út? Getur ljósmóðir yfirleitt tekið á móti barni ef hún kemst ekki á netið í tölvunni? - Ófætt barn spyr ekki um netsamband og kemur í heiminn samkvæmt kalli náttúrunnar. En það er öllu verra þegar á líður, ef ekki er hægt að þjónusta börn sem vilja sækja um á frístundaheimilum. Það er auðvitað hægt, en það frestast. En börn sem eru að fara að fæðast bíða ekki eftir að ljósmóðirin kemst í tölvna. En getur hún, nú til dags,örugglega tekið á móti barni, þó að netið sé niðri?

Þetta er stóra spurningin hjá mér í dag.


mbl.is Rafræn Reykjavík liggur niðri
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband