Ekki spurning núna um þriðju heimstyrjöldina heldur

Hryðjuverkaárás II. Hryðjuverkaárás I, var árásin á Charlie Hebdo, í upphafi árs. Aðstæður í heiminum eru að verða mjög óöruggar. Stórborgir virðast verða fyrir barðinu á hefndarverkamönnum.

Svona aðstæður er eitthvað sem ég hef óttast. Þetta ástand getur haft áhrif á bæði lands- og heimsvísu. Þegar stríðs- eða hryðjuverkaástand fer í gang, heldur fólk að sér höndum og heldur sig heima. Þetta getur valdið hruni í ferðamannaiðnaði víða.

En það þrennt, sem mér finnst standa uppúr, varðandi það sem hefur einkennt árið 2015 (ætlaði ekki að nefna þetta fyrr en i árslok), er árásin á Charlie Hebdo, E-bola faraldurinn í Afríku og fjöldi flóttamanna frá Afríku og öðrum löndum til Evrópu.

En mig grunaði ekki að ég þyrfti að bæta á listann enn einni hryðjuverkaárásinni sem gerð var í París í kvöld.

Ástandið í heiminum er að verða hryllilegt og mikilvægt fyrir lönd að herða landamæragæslu þar sem það er hægt og að efla leyniþjónustur allra landa í Evrópu, til að sporna við og góma hryðjuverkamenn.

„Þetta eru hryðjuverkamenn“

Athugasemdir

[Ásgrímur Hartmannsson, 14.11.2015 kl. 00:52]

Fransmenn lærðu bara ekkert af Hebdo.  Eða svo virðist.

Evrópa þarf bara að manna sig aðeins upp.

[Ingibjörg Magnúsdóttir, 18.11.2015 kl. 02:37]

Já, sammála. En alltaf virðist vera erfitt að vita hvar þeir halda sig og hvar þeir ætli að láta til skarar skríða næst. En gott hjá Frökkum að leita á öllum sem mættu á leikinn!!! Annars hefði orðið skelfilegt blóðbað á þessum leikvangi.