Eldfim feiti í Bankastræti

Vonandi hefur ekki orðið of mikið tjón í Búllunni B5, eftir þennan eldsvoða. En þegar kviknar í feiti má alltaf búast við miklu raski.

Var að koma úr vinnu með strætó inn í Lækjargötu í kvöld um kl. 19:15 og sá blá blikkandi ljós fram undan. Síðan kom slökkvuliðsbíll með vælandi sírenu á eftir strætisvagninum, en báðar akgreinar voru uppteknar. Tveir slökkvuliðsbílar voru þegar komnir í Bankastræti og tveim sjúkrabílum hafði verið lagt fyrir framan Stjórnarráðið.

Ég sá hvorki eld né reyk á þessum tímapunkti og vonaði að þetta hefði verið eitthvað smotterí. En svo sé ég mynd af miklum hvítum reyk sem fylgir þessari frétt.

Algengt er að það kvikni í steikingarfeiti. Besta húsráðið er að eiga eldvarnarteppi sem er hægt að kasta yfir pott eða pönnu sem hefur kviknað í. Þetta vita flestir, en ...

... Ég var einmitt að steikja franskar um helgina, og tók þá eftir að eldvarnarteppið mitt var ekki 'alveg' við hendina: það hafði lent neðarlega í skúffu fyrir neðan eldavélina. En eldvarnarteppi þarf að vera vel tiltækt ef kviknar í einhverju í eldhúsinu.

Það er ekki óskastund ef kviknar í einhverju í eldhúsinu hjá manni. Sem betur fer hefur aldrei kviknað í frönsku-potti hjá mér, en það hefur tvisvar kviknað í öðru.

 

Eldur í Bankastræti 5

Athugasemdir

[Kjartan (IP-tala skráð) 12.11.2014 kl. 08:09]

Mjög líklega hefur kviknað í reykháhnum upp af djúpsteikingarpotti.Það er hættulegasti staðurinn í stórum eldhúsum, feitisgufann fer upp í gufugleypirinn, kólnar og myndar fitu lag í loftræsti kerfinu, síðar þegar fitulagið er orðið þykkt og hitnat vel þá verður eldsprenging sem að mestu er í loftstokkum. Man allavega eftir tveim slæikum brunum í Reykjavík. Bruni í Brauðbæ ( Óðinsvé Þórsgötu 1) og Austurstræti 12 (Úrilla górillann) báðir þessir brunar eru um margt mjögkeimlíkir brunanum í gær.