Logandi fyrirbæri á himninum

Loksins fékk ég að sjá stjörnuhrap í gærkvöldi. Sat úti á lokaðri verönd, að skrifa póstkort til útlanda. Mér verður litið upp og sé skært ljós svífa yfir hverfið. Ég stekk upp og opna út og fylgist með fyrirbærinu. Það voru neistandi eldblossar aftan úr þessu. Þetta sveif í boga í átt til jarðar en svo slokknaði á þessu þarna í lausu lofti kr. 22:49.

Þetta var ekki líkt neinum flugeldi, en ég var ekki viss.

En það er skemmtilegt að hafa upplifað að hafa séð þennan vígahnött. Og ekki líklegt að upplifa aðra eins sjón á ævinni.

Og rúsínan í pylsuendanum: ég sá glitrandi hvít norðurljós út um allt þarna í gærkveldi. En ég hafði ekki orðið vör við norðurljós yfir höfuðborgarsvæðinu síðan í byrjun október 2016.

 


mbl.is Vígahnötturinn á stærð við golfkúlu
Tilkynna um óviðeigandi tengingu við frétt

Áhugaverð og skemmtileg frétt á mbl.is

Þetta er eflaust áhugaverðasta og skemmtilegasta íslenska frétt sem ég hef lesið hér á mbl, eftir því sem ég man eftir. Ég var einmitt að hlusta á söng í útvarpinu þegar ég álpaðist á netið í símanum og sá þetta frétt. 

Það er ekkert skemmtilegra en góður söngur, og gott lag auðvitað. Mig dreplangar á tónleikana í Langholtskirkju á morgun, og gaman væri að heyra Guðfreð Hjörvar ofl. syngja. En ég er að vinna og það verður hvort sem er uppselt þarna og líklega stútfullt út úr dyrum.

En þeir sem komast á tónleikana: góða skemmtun!!

 


mbl.is „Ég eignaðist þar góða vini“
Tilkynna um óviðeigandi tengingu við frétt

Óskaplega tók langan tíma

fyrir stjórnvöld að átta sig á að framfærslan væri líklega aðdráttaraflið. En kannski á máltækið "nýjir vendir sópa best" hér við, enda stutt síðan nýr ráðherra útlendingamála tekinn við.


mbl.is Framfærslan talin aðdráttarafl
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband